കണ്ണൂര്: എടക്കാട് ശ്രീ മഹാവിഷ്ണു ക്ഷേത്ര വിഷു മഹോത്സവം നാളെ ആരംഭിക്കുമെന്ന് ക്ഷേത്ര ഭാരവാഹികള് വാര്ത്താ സമ്മേളനത്തില് അറിയിച്ചു. നാളെ പുലര്ച്ചെ 4 മണിക്ക് വിഷുക്കണിയോടെ ഉത്സവം ആരംഭിക്കും. രാവിലെ 10 മണിക്ക് കൊടിയേറ്റം നടക്കും. 11 മണിക്ക് സാംസ്ക്കാരിക സമ്മേളനം നടക്കും. രാമചന്ദ്രന് കടന്നപ്പളളി ഉദ്ഘാടനം ചെയ്യും. ടി.എം.കുട്ടികൃഷ്ണന് അധ്യക്ഷത വഹിക്കും. പ്രശാന്ത് കുമാര് ചോമ്പാല മുഖ്യ പ്രഭാഷണം നടത്തും. ഉത്സവത്തിന്റെ ഭാഗമായി 21 വരെയുളള ദിവസങ്ങളില് വിവിധ പരിപാടികള് നടത്തും. കാഴ്ച ശീവേലി,ചെണ്ടമേളം,തായമ്പക ,ഭജന,നൃത്തസന്ധ്യ, നാരായണീയ പാരായണം,നാടന് കലാമേള,വിവിധ കലാപരിപാടികള്, സാമൂഹ്യ നാടകം, ഭക്തിഗാനാഞ്ജലി,ഭജനാമൃതം,തിരുവാതിര തുടങ്ങി വിവിധങ്ങളായ പരിപാടികള് വിവിധ ദിവസങ്ങളില് നടക്കും. എല്ലാ ദിവസവും രാവിലെ അഷ്ടദ്രവ്യ ഗണപതി ഹോമം, പ്രഭാത ശീവേലി, തിടമ്പു നൃത്തത്തിനു ശേഷം മോതിരം വെച്ചു തോഴല് എന്നിവ നടക്കും. വാര്ത്താ സമ്മേളനത്തില് സി.പീതാംബരന്, എം.ഐ.മഹേശ്വരന് നമ്പൂതിരി, പി.വി.നാരായണന് എന്നിവര് പങ്കെടുത്തു.
എടക്കാട് ശ്രീ മഹാവിഷ്ണു ക്ഷേത്ര വിഷു മഹോത്സവം നാളെ ആരംഭിക്കും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.