ചേര്ത്തല: കായംകുളം കട്ടച്ചിറ ശ്രീവെള്ളാപ്പള്ളി നടേശന് എന്ജിനിയറിങ് കോളേജിനെതിരെ ആക്രമണം നടത്തിയ സംഭവത്തില് എസ്എന്ഡിപി യോഗം കണിച്ചുകുളങ്ങര യൂണിയന് പ്രതിഷേധിച്ചു. യൂണിയന് പ്രസിഡന്റ് വി.എം. പുരുഷോത്തമന് അദ്ധ്യക്ഷനായി. യൂണിയന് സെക്രട്ടറി കെ.കെ. മഹേശന്, വൈസ് പ്രസിഡന്റ് പി.കെ. ധനേശന്, യോഗം ഡയറക്ടര് ബോര്ഡ് അംഗങ്ങളായ പി.എസ്.എന്. ബാബു, കെ.കെ. പുരുഷോത്തമന്,യൂണിയന് കൗണ്സിലര്മാരായ സിബി നടേശ്, സുനീത് ബാബു, കെ. സോമന് എന്നിവര് സംസാരിച്ചു.
ആക്രമണത്തില് എസ്എന്ഡിപി യോഗം ചേര്ത്തല യൂത്ത്മൂവ്മെന്റ് യൂണിയന് പ്രതിഷേധിച്ചു. യൂണിയന് പ്രസിഡന്റ് വി. ശശികുമാര് അദ്ധ്യക്ഷനായി. യൂത്ത്മൂവ്മെന്റ് കണിച്ചുകുളങ്ങര യൂണിയന്റെ നേതൃത്വത്തില് നടന്ന പ്രതിഷേധ യോഗം ഡയറക്ടര് ബോര്ഡ് അംഗം പി.എസ്.എന്. ബാബു ഉദ്ഘാടനം ചെയ്തു. പ്രസിഡന്റ് എസ്. രാജേഷ് അദ്ധ്യക്ഷനായി.
ആലപ്പുഴ: കട്ടച്ചിറ എഞ്ചിനീയറിങ് കോളേജ് അക്രമത്തില് അമ്പലപ്പുഴ എസ്എന്ഡിപിയൂണിയന് പ്രതിഷേധിച്ചു. ഗുരുചിത്രത്തിനും ഗുരുക്ഷേത്രത്തിനും നേരെയുണ്ടായ ആക്രമണം എസ്എന്ഡിപിയോടും ഗുരുപ്രസ്ഥാനങ്ങളോടുമുള്ള അസഹിഷ്ണുതയും ശത്രുതയുമാണ് വെളിപ്പെടുത്തുന്നത്. പോലീസ് നിഷ്ക്രിയമായതിലും പ്രതിഷേധം രേഖപ്പെടുത്തി. അക്രമത്തിനു നേതൃത്വം നല്കിയവരെയും അനങ്ങാതെ നിന്ന പോലീസുദ്യോഗസ്ഥര്ക്കെതിരെയും നടപടി വേണമെന്ന് യൂണിയന് ആവശ്യപ്പെട്ടു. യൂണിയന് പ്രസിഡന്റ് കലവൂര് എന്. ഗോപിനാഥ് അദ്ധ്യക്ഷനായി. വൈസ് പ്രസിഡന്റ് പി. ഹരിദാസ്, ബോര്ഡംഗം ബി. രഘുനാഥ് തുടങ്ങിയവര് സംസാരിച്ചു.
പൗരാവകാശ സമിതി പ്രതിഷേധിച്ചു
ആലപ്പുഴ: പൊതുപ്രവര്ത്തകരെ വ്യക്തിപരവും രാഷ്ട്രീയ പ്രേരിതവുമായി കള്ളക്കേസുണ്ടാക്കി ജയിലിലടക്കുന്നത് ജനാധിപത്യത്തോടുള്ള വെല്ലുവിളിയാണെന്ന് കേരള സംസ്ഥാന പൗരാവകാശ സമിതി കുറ്റപ്പെടുത്തി. ഇത്തരം സംഭവങ്ങള് ആവര്ത്തിക്കാതിരിക്കാന് സര്ക്കാരും രാഷ്ട്രീയ പാര്ട്ടിക്കാരും ശ്രദ്ധിക്കണമെന്നും അല്ലാത്തപക്ഷം കക്ഷിരാഷ്ട്രീയത്തിനതീതമായി ജനകീയ പ്രതിരോധം അനിവാര്യമാണെന്നും സമിതി സംസ്ഥാന പ്രസിഡന്റ് കെ.ജി. വിജയകുമാരന് നായര് പറഞ്ഞു.
