പയ്യന്നൂര്: നാവിക ആസ്ഥാനത്ത മാലിന്യ പ്ലാന്റ് അടച്ചുപൂട്ടാന് ആവശ്യപ്പെട്ട് സമരപന്തലില് 9 ദിവസമായി നിരാഹാരം അനുഷ്ഠിക്കുന്ന കെ എം അനില് കുമാറിനെ ആരോഗ്യനില മോശമായതിനെ തുടര്ന്ന് പോലീസ് അറസ്റ്റു ചെയ്തു നീക്കി. തുടര്ന്ന് സമരസമിതി നിര്വ്വാഹക സമിതി അംഗം ടി.കെ.മനോജ് കുമാര് നിരാഹാരം ആരംഭിച്ചു.
ശനിയാഴ്ച വൈകുന്നേരം 3 മണിയോടെയാണ് പയ്യന്നൂര് എസ്ഐ കെ പി ഷൈനിന്റെ നേതൃത്വത്തില് പോലീസ് സംഘം അനില് കുമാറിനെ അറസ്റ്റു ചെയ്ത് താലൂക്ക് ആശുപത്രിയിലേക്ക് മാറ്റിയത്. നിരാഹാര സമരം ആരംഭിച്ച ടി കെ മനോജ് കുമാറിനെ കെ പി സി നാരായണ പൊതുവാള് ഷാള് അണിയിച്ചു.തുടര്ന്ന് മനോജ് കുമാറിന് അഭിവാദ്യമര്പ്പിച്ച് സമരസമിതി പ്രവര്ത്തകര് പ്രകടനം നടത്തി. സമരപന്തലില് കഴിഞ്ഞ മാസം 23 മുതലാണ് നിരാഹാര സമരം തുടങ്ങിയത്. ടി കെ മനോജ് കുമാര് നിരാഹാര സമരം അനുഷ്ഠിക്കുന്ന മൂന്നാമത്തെ സമരസമിതി പ്രവര്ത്തകനാണ്. ജന ആരോഗ്യ സംരക്ഷണ സമിതിയുടെ അനിശ്ചിതകാല സമരം 40 ദിവസം പിന്നിട്ടു.
