കണ്ണൂര്: പ്രമുഖ ശ്രീനാരായണ ആദര്ശ പ്രചാരകനും ഗവേഷകനും ഗ്രന്ഥകാരനുമായ ചമ്പാടന് വിജയന്റെ പേരില് ശ്രീ നാരായണ സാംസ്കാരിക സമിതിയും ശ്രീനാരായണ ഗുരു കള്ച്ചറല് ആന്ഡ് എഡ്യുക്കേഷന് ചാരിറ്റബിള് ട്രസ്റ്റും ഏര്പ്പെടുത്തിയ എട്ടാമത് ചമ്പാടന് വിജയന് സ്മാരക അവാര്ഡിന് സച്ചിദാനന്ദ സ്വാമിയെ തിരഞ്ഞെടുത്തു. ബ്രഹ്മശ്രീ ബോധാന്ദ സ്വാമികള് എന്ന ഗ്രന്ഥത്തിന്റെ കര്ത്താവും ശിവഗിരി മഠം ധര്മ സംഘം ട്രസ്റ്റ് ബോര്ഡ് അംഗവും ചാലക്കുടി ഗായത്രി ആശ്രമം അധിവനുമാണ് സച്ചിദാനന്ദ സ്വാമി. കേരളത്തിനകത്തും പുറത്തും നിരവധി ദിവ്യബോധന സദസുകളിലൂടെ ശ്രീനാരായണ ഗുരുദേവ തത്വത്തങ്ങള് അദ്ദേഹം മലയാളികളുടെ മനസിലെത്തിച്ചിട്ടുണ്ട്. ചമ്പാടന് വിജയന്റെ പത്താം ചരമദിനാചരണത്തിന്റെ ഭാഗമായി 9ന് കണ്ണൂര് ഗുരുഭവനില് നടക്കുന്ന സമ്മേളനത്തില് മുന് മന്ത്രി എ.കെ. ശശീന്ദ്രന് അവാര്ഡ് സമ്മാനിക്കും. കെ. രാഘവന്, കെ. ജ്യോതിപ്രകാശ്, മോഹനന് പൊന്നമ്പത്ത്, എം.പി.രഘൂത്തമന്, രാഹുല് രഞ്ചിത്ത് എന്നിവര് പങ്കെടുക്കും.
അനുസ്മരണത്തിന്റെ ഭാഗമായി നടത്തിയ കലാസാഹിത്യ മത്സരങ്ങള് ട്രസ്റ്റ് പ്രസിഡന്റ് കെ. രാഘവന് ഉദ്ഘാടനം ചെയ്തു. സി.വി.രാഘവന്, എം.ബാലന്, ടി.കെ.ഡി.മുഴപ്പിലങ്ങാട്, കെ.ജ്യോതിപ്രകാശ്, രാഹുല് രഞ്ജിത്ത് എന്നിവര് സംസാരിച്ചു. ഗുരുദേവ കൃതികളുടെ ആലാപനം, ചിത്രരചന, പ്രസംഗം എന്നിവയിലായിരുന്നു മത്സരങ്ങള്. വിജയികള്ക്കുള്ള സമ്മാനദാനം ചമ്പാടന് വിജയന് അനുസ്മരണ സമ്മേളനത്തില് സച്ചിദാനന്ദ സ്വാമി വിതരണം ചെയ്യും.
