മട്ടന്നൂര്: കാര്ഷിക ഗ്രാമീണ വികസനത്തിനായുള്ള ദേശീയ ബാങ്ക് നബാര്ഡ്, കണ്ണൂര് ആകാശവാണി നിലയം, ഫാം വെഡ്, എന്നിവ പന്നിയൂര് കൃഷി വിജ്ഞാന കേന്ദ്രത്തിന്റെ സാങ്കേതിക സഹകരണത്തോടെ നടപ്പിലാക്കിയ ഞാന് കര്ഷകന് റേഡിയോ ഫാംസ്കൂള് പ്രോജക്ടിന്റെ വിജയികള്ക്കുള്ള പുരസ്കാര വിതരണം മട്ടന്നൂര് ഹയര് സെക്കന്ററി സ്കൂളില് നടന്നു. ചടങ്ങ് നരസഭ ചെയര്മാന് കെ.ഭാസ്കരന് മാസ്റ്റര് ഉദ്ഘാടനം ചെയ്തു. നബാര്ഡ് ചീഫ് ജനറല് മാനേജര് വി.ആര്.രവീന്ദ്രനാഥ് അധ്യക്ഷത വഹിച്ചു. ഫാംഫെഡ് സി.ഇ.വി.വി.ചന്ദ്രന് പദ്ധതി വിശദീകരണം നടത്തി.നബാര്ഡ് എ.ജി.എം എസ്.എസ്.നാഗേഷ് പുരസ്കാര പരിചയം നടത്തി. കണ്ണൂര് ആകാശവാണി നിലയം മേധാവി കെ.ബാലചന്ദ്രന് മികച്ച വിദ്യാലയങ്ങളായി ഒന്നും രണ്ടും മൂന്നും സ്ഥാനങ്ങള് നേടിയ മട്ടന്നൂര് ഹയര് സെക്കന്ററി സ്കൂള്, കൂത്തുപറമ്പ് തൊക്കിലങ്ങാടി ഹയര് സെക്കന്ററി സ്കൂള്, നിര്മ്മലഗിരി റാണി ജയ് ഹയര് സെക്കന്ററി സ്കൂള് എന്നിവയ്ക്ക് ഉപഹാര വിതരണം നടത്തി. പദ്ധതിയില് പങ്കെടുത്ത വിദ്യാലങ്ങള്ക്കുള്ള ഉപഹാര വിതരണം നഗരസഭ ചെയര്മാന് കെ.ഭാസ്കരന് മാസ്റ്റര് നടത്തി. കൃഷി വിജ്ഞാനകേന്ദ്രം കണ്ണര് മേധാവി പ്രൊഫ: പി.ജയരാജ് മികച്ച കാര്ഷിക ക്ലബിന് ഉപഹാരം വിതരണം ചെയ്തു. കാര്ഷിക ക്വിസില് വിജയികളായവര്ക്ക് സ്കൂള് മാനേജര് കെ.ടി.ശിവദാസ് ഉപഹാരം നല്കി. കെ.ശോഭന, വി.ദാമോദരന്, പി.വി.ധനലക്ഷ്മി, കെ.ആര്.രാധിക, കൃഷ്ണകുമാര് കണ്ണോത്ത്, ബി.പൊന്നു തുടങ്ങിയവര് സംസാരിച്ചു. പ്രധാനധ്യാപകന് ഇ.ഗണേഷ് സ്വാഗതവും ഹേമചന്ദ്രന് മാസ്റ്റര് നന്ദിയും പറഞ്ഞു.
പുരസ്കാര വിതരണം നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.