കണ്ണൂര്: ചിറക്കലില് ജനവാസ കേന്ദ്രത്തില് മദ്യഷാപ്പിനെതിരെ നാട്ടുകാര് നടത്തുന്ന രാപ്പകല് സമര പന്തല് ഹിന്ദു ഐക്യശശികല ടീച്ചര് സന്ദര്ശിച്ചു. ദേശീയ പാതയോരത്ത് നിന്നും കോടതി വിധി പ്രകാരം മാറ്റുന്ന സര്ക്കാര് മദ്യഷോപ്പുകളില് ഒന്ന് ചിറക്കലിലേക്ക് മാറ്റി സ്ഥാപിക്കാനുളള സര്ക്കാരിന്റെ ശ്രമത്തിനെതിരെ കഴിഞ്ഞ 16 ദിവസമായി ജനകീയ സമിതിയുടെ നേതൃത്വത്തില് രാപ്പകല് സമരം നടത്തി വരികയാണ്. ജനവാസ മേഖലയില് മദ്യഷാപ്പ് സ്ഥാപിക്കാനുളള വാശി സര്ക്കാര് ഉപേക്ഷിക്കണമെന്നും സമരം വിജയിക്കുന്നതോടെ സമരഭടന്മാര്ക്ക് ജീവിതവും സംസ്ക്കാരവും സമാധാനവും പാരമ്പര്യവുമാണ് തിരിച്ചു ലഭിക്കുകയെന്നും നാട്ടുകാര് ഒറ്റക്കെട്ടായി സമര രംഗത്ത് അവസാന നിമിഷം വരെ നിലകൊളളണമെന്നും ടീച്ചര് പറഞ്ഞു. സമരത്തിന് ഹിന്ദു ഐക്യവേദിയുടെ പൂര്ണ പിന്തുണ ടീച്ചര് പ്രഖ്യാപിച്ചു. സമര സമിതി ജനറല് കണ്വീനര് സുരേഷ് വര്മ അധ്യക്ഷത വഹിച്ചു. രാപ്പകല് സമരം ഇന്നലെ താല്ക്കാലികമായി അവസാനിപ്പിക്കുകയും മറ്റു സമര പരിപാടികളുമായി മുന്നോട്ടുപോകാന് കമ്മറ്റി തീരുമാനിക്കുകയും ചെയ്തു
