പാലാ:നഗരമധ്യത്തിലെ വിദേശ മദ്യ ചില്ലറ വില്പനശാല ശബരിമല ഇടത്താവളമായ കടപ്പാട്ടൂര് ക്ഷേത്രപരിസരത്ത് സ്ഥാപിക്കുവാന് നടക്കുന്ന ഗൂഢനീക്കം തടയണമെന്ന് കടപ്പാട്ടൂര് ദേവസ്വത്തിന്റെ അടിയന്തരമായി കൂടിയ ഭരണസമിതിയോഗം ഐക്യകണ്ഠേന തീരുമാനിച്ചു.
സംസ്ഥാനത്ത് ഹൈന്ദവപ്രസ്ഥാനങ്ങളേയും ,ആചാരങ്ങളേയും തകര്ക്കുവാനുള്ള ശ്രമങ്ങളുടെ ഭാഗമായാണ് മദ്യശാലസ്ഥാപിക്കുവാനുള്ള ഈ നീക്കം നടക്കുന്നത്.
ഭാരതത്തിന്റെ വിവിധ ഭാഗങ്ങളില് നിന്നും ദിനംപ്രതി എത്തിച്ചേരുന്ന അയ്യപ്പന്മാരുള്പ്പെടെയുള്ള ഭക്തജനങ്ങള് വാഹനങ്ങള് പാര്ക്ക് ചെയ്യുന്നതിനും,വിശ്രമിക്കുന്നതിനും ഉപയോഗിക്കുന്ന പാതയോരത്താണ് ഈ മദ്യശാല.
കടപ്പാട്ടൂര് ഇടത്താവളത്തിന്റെ ദൈവികമായ അന്തരീക്ഷത്തിനും ഭക്തജനങ്ങളുടേയും,ഗ്രാമനിവാസികളുടേയും സഞ്ചാര സ്വാതന്ത്ര്യത്തിനും വളരെയധികം ദോഷം വരുത്തുമെന്ന് യോഗം വിലയിരുത്തി.
ഇത് സംബന്ധിച്ച് എം.പി,എം.എല്.എ ഉള്പ്പടെയുള്ള ജനപ്രതിനിധികള്ക്ക് പരാതി നല്കിന്നതിനും പ്രക്ഷോഭ പരിപാടികള് ശക്തമാക്കുന്നതിനും യോഗം തീരുമാനിച്ചു.
യോഗത്തില് മീനച്ചില് താലൂക്ക് യൂണിയന് ഭാരവാഹികളും ക്ഷേത്രഭാരവാഹികളുമായ വൈസ് പ്രസിഡന്റ് ഷാജികുമാര് പയനാല്,സെക്രട്ടറി കയ്യൂര് സുരേന്ദ്രന് നായര്,ഖജാന്ജി പി.ഭാസ്ക്കരന് നായര്,സിജു സി.എസ്സ്,എം.എസ് വിനോദ് കുമാര്,പി.കെ സന്തോഷ് കുമാര്,സിബി ചെറുകാട്ട്,കെ.എന് ഉണ്ണി കൃഷ്ണന് നായര്,പി.എന് പരമേശ്വരന് നായര്,സി.ആര് പ്രദീപ് കുമാര്,വി.എസ് ശശികുമാര്,എം.എന് പ്രഭാകരന് നായര്,വി.എസ് വേണുഗോപാല്,ജി.ശശികുമാരന് നായര്,വിജയദാസന് നായര്,പി.ജി ഗോപാലകൃഷ്ണന് നായര്,എം.ജി ഗോപാലകൃഷ്ണന് നായര്,ദീപു ആര് നായര്,കെ.കെ മധുസൂദനന് നായര് എന്നിവര് യോഗത്തില് പ്രസംഗിച്ചു.
