ആലപ്പുഴ: ജില്ലാ രൂപീകരണ ദിനംപോലും തെറ്റായി രേഖപ്പെടുത്തിയ ബജറ്റാണ് ജില്ലാ പഞ്ചായത്ത് അവതരിപ്പിച്ചതെന്ന് വിമര്ശനമുയരുന്നു.
1957 ആഗസ്റ്റ് 17നാണ് ആലപ്പുഴ ജില്ല രൂപീകൃതമായത്. എന്നാല് ജില്ലാ പഞ്ചായത്ത് ബജറ്റില് പറയുന്നത് ആഗസ്റ്റ് 27 നാണെന്നാണ്.’ സംസ്ഥാന സര്ക്കാരിനെ മാത്യകയാക്കി നോട്ടു നിരോധനത്തെ കുറ്റം പറഞ്ഞ് സ്വന്തം വീഴ്ചകള് മറച്ചു പിടിക്കാനുള്ള വിഫല ശ്രമവും ബജറ്റിലുണ്ട്. സമ്പൂര്ണ തരിശുരഹിതം, ജൈവ പച്ചക്കറി കൃഷി വ്യാപകമാക്കല്’ തുടങ്ങി കഴിഞ്ഞ ബജറ്റില് പ്രഖ്യാപിച്ചിട്ടും നടപ്പാക്കാത്ത നിരവധി പദ്ധതികള് ഇത്തവണയും ആവര്ത്തിച്ചിട്ടുണ്ട്.
അഴിമതി ആരോപണത്തെ തുടര്ന്ന് വിജിലന്സ് അന്വേഷണം നേരിടുന്ന ജന്ഡര് പാര്ക്ക് പ്രവര്ത്തനം ആരംഭിക്കുമെന്നും ബജറ്റില് അവകാശപ്പെടുന്നു. പച്ചക്കറി കൃഷിക്ക് 20 ലക്ഷം’ നാളികേര കൃഷിക്ക് 50 ലക്ഷം, ക്ഷീരവികസനത്തിന് 50 ലക്ഷം, നെല് കൃഷിക്ക് 2.5 കോടി: മത്സ്യമേഖലയ്ക്ക് 20 ലക്ഷം, ഹരിത തീരത്തിന് 5 ലക്ഷം എന്നിങ്ങനെയാണ് വകയിരുത്തിയിട്ടുള്ളത്.
ഇതിന്റെ പതിന്മടങ്ങ് തുകയാണ് സാധാരണ ഗ്രാമ പഞ്ചായത്ത് ബജറ്റില് പോലും വകയിരുത്താറുള്ളതെന്ന് ചൂണ്ടി കാണിക്കപ്പെടുന്നു.
