വള്ളിക്കുന്ന്: ജൈത്രയാത്ര തുടരുന്ന നരേന്ദ്രമോദി സര്ക്കാരിന്റെ സംഘത്തിലേക്ക് ഒരാളെ കൂടി നല്കാനുള്ള അസുലഭ അവസരമാണ് മലപ്പുറം ജനതക്ക് കൈവന്നിരിക്കുന്നതെന്നും, അതുകൊണ്ട് വോട്ട് രാജ്യപുരോഗതിക്കായി രേഖപ്പെടുത്തണമെന്നും ബിജെപി ദേശീയനിര്വ്വാഹക സമിതിയംഗം അഡ്വ.പി.എസ്.ശ്രീധരന്പിള്ള. വള്ളിക്കുന്ന് മണ്ഡലം എന്ഡിഎ കണ്വെന്ഷന് ഉദ്ഘാടനം ചെയ്യുകയായിരുന്നു അദ്ദേഹം. സമാധാനത്തിന്റെയും സഹകരണത്തിന്റെയും പാതയിലൂടെയാണ് ബിജെപി സഞ്ചരിക്കുന്നത്. എന്നാല് അഹങ്കാരം നിറഞ്ഞ സര്ക്കാരാണ് കേരളം ഭരിക്കുന്നത്. പിണറായി സര്ക്കാരിന്റെ അഹങ്കാരത്തിനേറ്റ ശിക്ഷയാണ് എ.കെ.ശശീന്ദ്രന് രാജിയെന്നും അദ്ദേഹം കൂട്ടിച്ചേര്ത്തു.
യോഗത്തില് മണ്ഡലം പ്രസിഡന്റ് പി.ജയനിദാസ് അദ്ധ്യക്ഷനായി. ബിഡിജെഎസ് സംസ്ഥാന സെക്രട്ടറി അഡ്വ.എന്.രാജന്, ബിജെപി സംസ്ഥാന വൈസ് പ്രസിഡന്റ് എന്.ശിവരാജന്, സംസ്ഥാന സമിതിയംഗം പീതാംബരന് പാലാട്ട്, മേഖലാ സെക്രട്ടറി എം.പ്രേമന്, ബിഡിജെഎസ് ജില്ലാ സെക്രട്ടറി പൂതേരി ശിവാനന്ദന്, എം.രാജീവ്, കോതേരി അയ്യപ്പന്, ദീപ പുഴക്കല് എന്നിവര് സംസാരിച്ചു.
