മട്ടാഞ്ചേരി: കാശി മഠാധിപതി സംയമീന്ദ്ര തീര്ത്ഥ സ്വാമിയുടെ വസന്തോത്സവ പൂജകള്ക്കായി ഭക്തജനങ്ങള് സാമഗ്രിക സമര്പ്പണം നടത്തി. ഇന്നലെ വൈകിട്ട് തെക്കെ ചെറളായിയിലുള്ള ആല്ത്തറ ഭഗവതി ക്ഷേത്രത്തില് നിന്ന് ശോഭായാത്രയോടെയാണ് സാമഗ്രിക സമര്പ്പണ ചടങ്ങ് തുടങ്ങിയത്. പലവ്യഞ്ജനങ്ങള് ഡ്രൈഫ്രൂട്സ് പൂക്കള്, പച്ചക്കറിയിനങ്ങള്, പൂജാദ്രവ്യങ്ങള് തുടങ്ങിയവയുമായി നൂറുക്കണക്കിന് ഭക്തജനങ്ങള് ശോഭായാത്രയില് അണിനിരന്നു.
ചെറളായി ടി.ഡി. നോര്ത്ത് റോഡ് വഴി ക്ഷേത്രത്തിലെ വ്യാസ മന്ദിറില് സമര്പ്പണഘോഷയാത്രയോടെ എത്തിച്ചേര്ന്ന സ്വാമി സംയമീന്ദ്ര തീര്ത്ഥ സമക്ഷം സാമഗ്രി സമര്പ്പണം നടത്തി. നാളെയാണ് വസന്തോത്സവ വ്രത പൂജ. വൈശാഖ പൗര്ണ്ണമി നാള് വരെ തുടരും. ദേവസ്വം പ്രസിഡന്റ് കപില് ആര്.പൈ, എസ്. ദേവാനന്ദ കമ്മത്ത് വി.ഹരി പൈ, ആര്. വെങ്കടേശ്വര പൈ, വി. ശിവകുമാര് കമ്മത്ത്, എസ്. ശ്രീധര പൈ തുടങ്ങിയവര് നേതൃത്വം നല്കി
