കൊട്ടാരക്കര: വീടുകളില് കുട്ടികളും സ്ത്രീകളും അതിക്രമങ്ങള്ക്കിരയാകുന്നത് തടയാന് പോലീസ് ഫലപ്രദമായ നടപടികള് സ്വീകരിക്കണമെന്നും കുറ്റാന്വേഷണ രീതികള് ശാസ്ത്രീയമാകണമെന്നും മന്ത്രി മേഴ്സിക്കുട്ടിയമ്മ പറഞ്ഞു.
പോലീസ് അസോസിയേഷന് കൊല്ലം റൂറല് ജില്ലാകമ്മിറ്റി നേതൃത്വത്തില് നടത്തിയ കുടുംബസഹായനിധി വിതരണം ഉദ്ഘാടനം ചെയ്യുകയായിരുന്നു മന്ത്രി. പുറത്തറിയാത്ത പല കാര്യങ്ങളും പരാതികളായി വരുന്ന സാഹചര്യത്തില് പോലീസിന്റെ ചുമതല വര്ധിച്ചുവെന്നും മന്ത്രി പറഞ്ഞു. അസോസിയേഷന് പ്രസിഡന്റ് എം.രാജേഷ് അധ്യക്ഷനായിരുന്നു. അയിഷാപോറ്റി എംഎല്എ, റൂറല് ജില്ലാ പോലീസ് മേധാവി എസ്.സുരേന്ദ്രന്, ഡിവൈഎസ്പിമാരായ ബി.കൃഷ്ണകുമാര്, സര്ജു പ്രസാദ്, സിഐ ഷൈനുതോമസ്, അസോസിയേഷന് നേതാക്കളായ വി.ഷാജി, കെ.ഐ.മാര്ട്ടിന്, എസ്.ഷൈജു, കെ.ഉണ്ണികൃഷ്ണപിള്ള, എസ്.നജീം എന്നിവര് സംസാരിച്ചു. സര്വീസിലിരിക്കെ അന്തരിച്ച എസ്.ഐ. വിജയകുമാര്, അസി.സബ്.ഇന്സ്പക്ടര് ജി.രഘു എന്നിവരുടെ കുടുംബ സഹായനിധി ചടങ്ങില് കൈമാറി.
