കാഞ്ഞാര്: അറക്കുളം പഞ്ചായത്തിലെ മൂന്നുങ്കവയലില് വിദേശമദ്യശാല സ്ഥാപിച്ചതിനെ ചൊല്ലി സംഘര്ഷം. മൂലമറ്റം ടൗണില് പ്രവര്ത്തിച്ചു വരുന്ന ബിവറേജ് കോര്പ്പറേഷന്റെ ഔട്ട് ലെറ്റാണ് മൂന്നുങ്കവയലിലേക്ക് മാറ്റി സ്ഥാപിച്ചത്. സംസ്ഥാന പാതയോരത്ത് നിന്നും മദ്യശാലകള് മാറ്റി സ്ഥാപിക്കണമെന്ന സുപ്രീം കോടതിയുടെ ഉത്തരവിന്റെ പശ്താത്തലത്തിലായിരുന്നു നടപടി. ഈ നീക്കത്തിനെതിരേ കഴിഞ്ഞ ഏതാനും ദിവസങ്ങളായി പ്രദേശത്തെ സ്ത്രീകളടക്കമുള്ളവര് സമരത്തിലായിരുന്നു.
ഇതിനിടെയാണ് വൈകുന്നേരം ഏഴ് മണിയോടെ വന് പോലീസ് സന്നാഹത്തിന്റെ പി
ന്ബലത്തില് മദ്യശാല തുറന്ന് പ്രവര്ത്തനമാരംഭിച്ചത്. പ്രതിഷേധവുമായി സ്ത്രീകളടക്കമുള്ളവര് നൂറ് കണക്കിന് നാട്ടുകാര് തടിച്ച് ക കൂടിയിരുന്നു. മദ്യശാലയിലേക്കുള്ള ലോഡുമായി വന്ന വാഹനം നാട്ടുകാര് തടഞ്ഞെങ്കിലും പോലീസ് ഇടപെട്ട് ലോഡ് ഇറക്കി മദ്യവില്പന ആരംഭിച്ചു. പ്രദേശത്ത് നിന്നും രാത്രി വൈകിയും പ്രതിഷേധക്കാര് പിരിഞ്ഞ് പോകാന് തയ്യാറായിട്ടില്ല.
