ഹരിപ്പാട്: ഹൈന്ദവ സമൂഹത്തെ വര്ഗശത്രുക്കളായി കാണുന്ന ഒരു ഭരണകൂടമാണ് കേരളത്തില് നിലനില്ക്കുന്നതെന്ന് ഹിന്ദു ഐക്യവേദി സംസ്ഥാന ജനറല് സെക്രട്ടറി ആര്.വി. ബാബു പറഞ്ഞു. ഹരിപ്പാട്ട് നടന്ന ജില്ലാ പ്രതിനിധി സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
നവോത്ഥാന നായകന്മാരെ തെറ്റായി ചിത്രീകരിച്ചും ഹൈന്ദവ പ്രതിബിംബങ്ങളെ കേരളത്തില് നിന്നും പറിച്ച് മാറ്റാനുള്ള ശ്രമമാണ് മുഖ്യമന്ത്രി പിണറായി വിജയന് ഇപ്പോള് ചെയ്തുകൊണ്ടിരിക്കുന്നത്. ഓണാഘോഷം വേണ്ടെന്ന് വെച്ച മുഖ്യമന്ത്രി ഹര്ത്താലിന് ആഹ്വാനം ചെയ്തു.
വെള്ളിയാഴ്ച ഉച്ചയ്ക്ക് സെക്രട്ടറിയേറ്റിലും മറ്റും ജോലിചെയ്യുന്ന ന്യൂനപക്ഷ മതവിഭാഗത്തിലെ ഉദ്യോഗസ്ഥന്മാര് സര്വ്വീസ് ചട്ടം ലംഘിച്ചുകൊണ്ട് പള്ളിയില് പോകുന്നത് മുഖ്യമന്ത്രി കാണുന്നുണ്ടല്ലോ. ശ്രീകൃഷ്ണ ജയന്തിപോലുള്ള ആഘോഷങ്ങളെ ഇല്ലാതാക്കാനും കാസര്കോടന് പുള്ളന് പശുക്കളെ ഗോപൂജ നടത്തിയതിനെ എതിര്ത്തും ന്യൂനപക്ഷങ്ങളുടെ കയ്യടി വാങ്ങുകയാണ് പിണറായി.
ഗോ സംരക്ഷണം എന്നത് ഭരണഘടനയുടെ അനുശാസനമാണ്. അവസാനം മംഗലാപുരത്തുപോയി ഹിന്ദുസ്ഥാനം എന്നത് മാറ്റിയെഴുതണം എന്ന് പ്രസംഗിച്ച പിണറായി വിജയന് മതന്യൂനപക്ഷങ്ങളെ പ്രീണിപ്പിക്കാനുള്ള വ്യഗ്രതയാണ് കാണിക്കുന്നത്.
വര്ഷങ്ങള്ക്ക് മുമ്പ് ഒരു വ്യാജ സന്യാസി ചെയ്ത തെറ്റിന് ഹൈന്ദവ സന്യാസിമാരെ വേട്ടയാടി പെരുവഴിയില് അക്രമിച്ചും അവരുടെ താടി വടിച്ചും പ്രതിഷേധം രേഖപ്പെടുത്തിയ ഇവരുടെ യുവജന സംഘടനകള് കണ്ണൂരിലെ പേരാവൂരില് ഒരു മതപുരോഹതിന് ചെയ്ത ക്രൂരമായ തെറ്റിനെതിരെ നാവനക്കാന് പോലും തയ്യാറായില്ല.
കേരളത്തിലെ സാമൂഹിക രാഷ്ട്രീയ മേഖലയില് ഇതെപ്പറ്റി ഒരു ചര്ച്ചയ്ക്കും ആരും തയ്യാറായില്ലെന്നും അദ്ദേഹം പറഞ്ഞു. ജില്ലാ വാര്ക്കിംഗ് പ്രസിഡന്റ് സുദര്ശന് പാറ്റൂര് അദ്ധ്യക്ഷത വഹിച്ചു. സംസ്ഥാന വൈസ് പ്രസിഡന്റ് കെ.വി. പത്മനാഭന്, സംഘടനാ സെക്രട്ടറി സി. ബാബു, സഹസംഘടനാ സെക്രട്ടവി വി. ശുശികുമാര്, ജില്ലാ വൈസ് പ്രസിഡന്റ് അഡ്വ. രാജന്, ജനറല് സെക്രട്ടറിമാരായ ജിനു, വിനോദ് ഉമ്പര്നാട്, കെ.വി. ഗിരീഷ് എന്നിവര് പ്രസംഗിച്ചു.
