കുന്നത്തൂര്: ചക്കുവള്ളി ക്ഷേത്രഭൂമി കയ്യേറ്റം ഒഴിപ്പിക്കുന്നത് വൈകിപ്പിക്കാനും തടയാനുമുള്ള നീക്കത്തിനെതിരെ ഹിന്ദുസംഘടനകള് പ്രഖ്യാപിച്ച ഹര്ത്താല് ജനസമൂഹം ഏറ്റെടുത്തു. ഹിന്ദുഐക്യവേദിയും പരബ്രഹ്മക്ഷേത്രസംരക്ഷണസമിതിയുമാണ് ഹര്ത്താല് പ്രഖ്യാപിച്ചത്.
പോരുവഴി, ശൂരനാട് വടക്ക്, ശൂരനാട് തെക്ക് പഞ്ചായത്തുകളില് നടന്ന ഹര്ത്താലില് കടകമ്പോളങ്ങള് അടഞ്ഞുകിടന്നു. വാഹനഗതാഗതം തടസപ്പെടുത്തിയില്ല. എസ്എസ്എല്സി, പ്ലസ് ടു പരീക്ഷകള് നടത്തുന്ന സ്കൂളുകളെ ഹര്ത്താലില് നിന്ന് ഒഴിവാക്കിയിരുന്നു.
രാവിലെ ചക്കുവള്ളിയില് നടന്ന ഭക്തജനപ്രതിഷേധത്തില് നൂറുകണക്കിന് ആളുകള് പങ്കെടുത്തു.
പരബ്രഹ്മക്ഷേത്രമൈതാനത്ത് നിന്ന് ആരംഭിച്ച പ്രകടനം ചക്കുവള്ളി ജങ്ഷനില് സമാപിച്ചു.
ഹിന്ദുഐക്യവേദി സംസ്ഥാന സെക്രട്ടറിമാരായ തെക്കടം സുദര്ശനന്, പുത്തൂര് തുളസി, ഹിന്ദുസംഘടനാ നേതാക്കളായ ആര്.സുജിത്, ആര്.ബാബുക്കുട്ടന്, ആര്.രാജേന്ദ്രന്പിള്ള, എം.എസ്.ജയച്ചന്ദ്രന്, പി.എന്. മുരളീധരന്പിള്ള, ഡി. സുരേഷ്, മുതുപിലാക്കാട് രാജേന്ദ്രന്, രാധാകൃഷ്ണന്, ദിനചന്ദ്രന്, വി.എസ്. ജിതിന്ദേവ്, നമ്പൂരേത്ത് തുളസീധരന്പിള്ള, പ്രദീപ്, ക്ഷേത്രോപദേശകസമിതി സെക്രട്ടറി ബിജു തുടങ്ങിയവര് നേതൃത്വം നല്കി.
