ചെങ്ങന്നൂര്: വിശ്വകര്മ്മജരുടെ പിന്നോക്ക അവസ്ഥയെക്കുറിച്ച് പഠിച്ച് സമര്പ്പിക്കപ്പെട്ട വിശ്വകര്മ്മ കമ്മീഷന് റിപ്പോര്ട്ട് സംഘടനയുമായി ചര്ച്ച ചെയ്ത് നടപ്പിലാക്കണമെന്ന് ചെങ്ങന്നൂര് താലൂക്ക് സമ്മേളനം ആവശ്യപ്പെട്ടു. തൊഴില് നഷ്ടപ്പെട്ടുകൊണ്ടിരിക്കുന്നവരെ പുനരധിവസിപ്പിക്കണമെന്നും 60 വയസ്സു കഴിഞ്ഞ വിശ്വകര്മ്മ തൊഴിലാളികള്ക്ക് വാര്ദ്ധക്യകാല പെന്ഷന് 3000 രൂപയായി വര്ദ്ധിപ്പിച്ച് നടപ്പാക്കണമെന്നും സമ്മേളനം പ്രമേയത്തിലൂടെ ആവശ്യപ്പെട്ടു.
അഡ്വ.കെ.കെ.രാമചന്ദ്രന്നായര് എംഎല്എ സമ്മേളനം ഉദ്ഘാടനം ചെയ്തു. യൂണിയന് പ്രസിഡന്റ് സജീവന് എം.എസ് അദ്ധ്യക്ഷനായി. സംസ്ഥാന ജനറല് സെക്രട്ടറി റ്റി.കെ. സോമശേഖരന് മുഖ്യപ്രഭാഷണം നടത്തി. സംസ്ഥാന വൈസ് പ്രസിഡന്റുമാരായ വി.എസ്. ഗോപാലഷ്ണന്, റ്റി.എന്. ചന്ദ്രശേഖരന്, ശശിരാജന് കെ.ബി, പ്രസാദ് കെ.കെ. എന്നിവര് സംസാരിച്ചു.
ജനറല് സെക്രട്ടറിയുടെ അദ്ധ്യക്ഷതയില് ചേര്ന്ന പ്രതിനിധി സമ്മേളനത്തില് വിനോദ് കുമാര് പി.വി, റ്റി.എന്. കരുണാകരന് ആചാരി, ഹരികുമാര് റ്റി.ജി, വാസുദേവന് കെ.വി, ചന്ദ്രനാചാരി കെ.എന് എന്നിവര് പ്രസംഗിച്ചു.
