തിരുവല്ല: ഓടിക്കൊണ്ടിരുന്ന കാറിന് തീപിടിച്ചു. യാത്രക്കാര്‍ അത്ഭുതകരമായി രക്ഷപെട്ടു. പരുമല സെന്റ് ഗ്രീഗോറിയോസ് ആശുപത്രിക്ക് സമീപം ഇന്നലെ രാവിലെ 9 മണിയോടെ ആയിരുന്നു സംഭവം. പരുമല പ്രിയാ ഭവനില്‍ സുഗതന്റെ മാരുതി ഓള്‍ട്ടോ കാറിനാണ് തീപിടിച്ചത്. പരുമല പമ്പാ കോളേജില്‍ പഠിക്കുന്ന മകളെ കോളേജില്‍ വിടാന്‍ എത്തിയതായിരുന്നു സുഗതന്‍. യാത്രാമധ്യേ കാറിന്റെ ബോണറ്റിന് ഉള്ളില്‍ നിന്ന് പുക ഉയരുന്നത് ശ്രദ്ധയില്‍ പെട്ടതിനെ തുടര്‍ന്ന് കാര്‍ നിര്‍ത്തി ഇരുവരും വേഗത്തില്‍ പുറത്തിറങ്ങി. മിനിട്ടുകള്‍ക്കകം തീ കാറിനുള്ളിലേക്ക് പടര്‍ന്നു. നാട്ടുകാര്‍ വിവരമറിയിച്ചതനുസരിച്ച് തിരുവല്ലയില്‍ നിന്നും അഗ്‌നിശമന സേനയെത്തി തീ അണച്ചുവെങ്കിലും കാര്‍ ഏതാണ്ട് പൂര്‍ണ്ണമായും കത്തിനശിച്ചു. ഇലക്ട്രിക്കല്‍ തകരാറാണ് തീപിടിക്കാന്‍ കാരണമെന്നാണ് നിഗമനം. കാറിന്റെ പെട്രോള്‍ ടാങ്കിലേക്ക് തീ പടരാതിരുന്നതിനാല്‍ വന്‍ അപകടം ഒഴിവായി.
ഓടികൊണ്ടിരുന്ന കാറിന് തീപിടിച്ചു: അച്ഛനും മകളും രക്ഷപെട്ടു
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.