നെടുമുടി കൈനകരി പഞ്ചായത്തുകളിലെ വികസനവുമായി ബന്ധപ്പെട്ട് ചാലേച്ചിറ പാലത്തിനു സമീപം നടന്ന യോഗം ജില്ലാ പഞ്ചായത്ത് പ്രസി. ജി. വേണുഗോപാല് ഉദ്ഘാടനം ചെയ്യുന്നു. എംഎല്എയുടെ സഹോദരന് മുന്നിരയിലും പഞ്ചായത്ത് പ്രസിഡന്റ് ചാക്കോ പിന്നിരയിലും
ആലപ്പുഴ: കുട്ടനാട്ടില് എംഎല്എയെ കാണാനില്ല. സഹോദരനെ പ്രതിനിധിയാക്കി ഭരണം നടത്തുന്നതില് പാര്ട്ടിയിലും പൊതുജനങ്ങള്ക്കിടയിലും പ്രതിഷേധം ഉയരുന്നു. നിയോജകമണ്ഡലത്തിലെ യോഗങ്ങളില് പ്രമുഖ സ്ഥാനം അലങ്കരിക്കുന്നത് കുറച്ചുകാലമായി എംഎല്എയുടെ പ്രതിനിധിയായ സഹോദരന് തോമസ് കെ. തോമസാണ്.
എംഎല്എയുടെ ഓഫീസ് കേന്ദ്രീകരിച്ച് പഞ്ചായത്ത് പ്രസിഡന്റുമാരുടെ യോഗങ്ങള് വിളിച്ചു ചേര്ക്കുകയും കാര്യങ്ങളില് തീരുമാനമെടുക്കുകയും ചെയ്യുന്നതും സഹോദരനാണ്. എന്സിപിയിലും എല്ഡിഎഫിലും പൊതുജനങ്ങള്ക്കിടയിലും ഇതിനെതിരെ പ്രതിഷേധം ഉയര്ന്നുതുടങ്ങി.
ഒരുവിഭാഗം സിപിഎം പ്രാദേശിക നേതാക്കളും ഇതിനെതിരെ രംഗത്തെത്തിയിട്ടുണ്ട്. എംഎല്എയുടെ സഹോദരന് സമാന്തര ഭരണം നടത്തുന്നുവെന്നാണ് ആക്ഷേപമുയരുന്നത്. കഴിഞ്ഞദിവസം കൈനകരി, നെടുമുടിപഞ്ചായത്തുകളുടെ വികസനങ്ങളെ മുന് നിര്ത്തി നടത്തിയ പൊതുയോഗത്തില് പഞ്ചായത്ത് പ്രസിഡന്റിനെ പിന്നിരയിലേക്കു തള്ളി എംഎല്എയുടെ സഹോദരനായിരുന്നു മുന്നിരയില് സ്ഥാനം. നെടുമുടി പഞ്ചായത്ത് പ്രസിഡന്റ് എന്.കെ. ചാക്കോയ്ക്കായിരുന്നു ഈ ദുരനുഭവം.
ജനപ്രതിനിധിയെ പിന്നിരയിലേക്കു തള്ളി എംഎല്എയുടെ സഹോദരനെന്ന പരിഗണന മാത്രമുള്ള തോ മസ് കെ. തോമസിന് മുന്നിരയില് സ്ഥാനം നല്കിയത് പ്രോട്ടോകോള് ലംഘനമാണെന്നും പരാതി ഉയരുന്നു. പാര്ട്ടി പ്രവര്ത്തകരെ പോ ലും തഴഞ്ഞാണ് സഹോദരനെ എം എല്എ സ്വന്തം പ്രതിനിധിയായി നിയോഗിച്ചിട്ടുള്ളത്.
