ചാലക്കുടി: വേനല്ച്ചൂട് കനത്തു,വ്യാപകതീപിടുത്തം; നെട്ടോട്ടമോടി അഗ്നിസമന സേന. ചാലക്കുടി ഫയര്ഫോഴ്സിന്റെ നേതൃത്വത്തില് അഞ്ച് തീ അണയ്ക്കലും, ഒരു വാഹന അപകടത്തില് ഡീസല് ചോര്ന്നത് ഒഴിവാക്കലും അടക്കം ആറ് രക്ഷാപ്രവര്ത്തനങ്ങളാണ് ഇന്നലെ നടന്നത്.
തീപിടിത്തങ്ങള് വര്ദ്ധിക്കുമ്പോള് രക്ഷാ പ്രവര്ത്തനങ്ങള്ക്ക് വെള്ളം കുടുതല് ആവശ്യമായി വരുന്നത് വലിയ പ്രതിസന്ധിയാവുന്നു. രാവിലെ 9 മണി മുതല് ഉച്ചക്ക് രണ്ട് മണിയോടെയാണ് എല്ലാ അപകടങ്ങളും നടന്നത്. കൊരട്ടി പോലീസ് സ്റ്റേഷന് സമീപത്തുള്ള വൈഗൈ ത്രെഡിസിന്റെ പറമ്പിലെ പുല്ലിനാണ് രാവിലെ തീപിടുത്തമുണ്ടായത്. തുടര്ന്ന് 11 മണിയോടെ കേന്ദ്ര സര്ക്കാര് പ്രസിന് മുന്വശത്തായി ദേശീയ പാതയോരത്തെ ഉണക്ക പുല്ലിന്് തീപിടിച്ചു. സമീപത്തായി ഹോട്ടല്, ബാങ്ക് അടക്കമുള്ള സ്ഥാപനങ്ങളിലേക്ക് തീ പടരാതെ അണയ്ക്കുവാന് സാധിച്ചു. കനത്ത പുക ഉയര്ന്നത് ജനങ്ങള്ക്ക് ചെറിയ ബുദ്ധിമുട്ടുണ്ടാക്കി.
കൊരട്ടി കിന്ഫ്ര പാര്ക്കിന് സമീപത്തെ സ്വകാര്യ വ്യക്തിയുടെയും, കുടപ്പുഴയിലെ സ്വകാര്യ വ്യക്തികളുടേയും പറമ്പിലെ പുല്ലിനുണ്ടായ തീപിടുത്തവും ചാലക്കുടി ഫയര്ഫോഴ്സിന്റെ നേതൃത്വത്തില് അണച്ചു. കൊടകര ഡോണ് ബോസ്കോ സ്ക്കൂളിന്റെ രണ്ടാം നിലയില് ഷോര്ട്ട് സര്ക്യൂട്ട് മൂലം ഉണ്ടായ തീപിടുത്തം പരിഭാന്ത്രി പരത്തി.
