സംസ്ഥാന പാത സംരക്ഷണ സമിതിയുടെ ആഭിമുഖ്യത്തില് നടക്കുന്ന അനിശ്ചിതകാല സമരത്തിന്റെ ഭാഗമായി സംഘടിപ്പിച്ച സായാഹ്ന ധര്ണ്ണ അഡ്വ. ജേക്കബ് ഏബ്രഹാം ഉദ്ഘാടനം ചെയ്യുന്നു
എടത്വാ: സംസ്ഥാന പാതയില് വെട്ടുതോട് മുതല് ചക്കുളത്തുകാവ് ക്ഷേത്രക്കവല വരെയുള്ള പാതയുടെ നവീകരണം നീണ്ടു പോകുന്നതില് പ്രതിഷേധിച്ച് ചൊവ്വാഴ്ച ധര്ണ്ണ നടത്തി. സംസ്ഥാനപാത സംരക്ഷണ സമിതിയുടെ ആഭിമുഖ്യത്തില് നടക്കുന്ന അനിശ്ചിത കാല സമരത്തിന്റെ ഭാഗമായാണ് കൊച്ചമ്മനത്ത് ധര്ണ്ണ നടന്നത്.
കേരളാ കോണ്ഗ്രസ് (എം) സംസ്ഥാന ട്രഷറര് അഡ്വ. ജേക്കബ് ഏബ്രഹാം ഉദ്ഘാടനം ചെയ്തു. മന്ത്രി ഇടപെട്ട് ഉന്നതതല യോഗം വിളിച്ച് പ്രശ്നത്തിന് പരിഹാരം കാണുവാന് സര്ക്കാര് തയ്യാറാകണമെന്ന് അദേഹം ആവശ്യപ്പെട്ടു. സമിതി രക്ഷാധികാരി പട്ടമന ആനന്ദന് നമ്പൂതിരി അദ്ധ്യക്ഷത വഹിച്ചു. ബിജെപി കുട്ടനാട് നിയോജക മണ്ഡലം പ്രസിഡന്റ് ഡി. പ്രസന്ന കുമാര് മുഖ്യപ്രഭാഷണം നടത്തി.
കെ. ബിജു, ബിനു ഐസക് രാജു, മോന്സി സോണി, അജിത്ത് കുമാര് പിഷാരത്ത്, പി.കെ. വര്ഗീസ്, ബിനു സുരേഷ്, സണ്ണി അനുപമ എന്നിവര് സംസാരിച്ചു.
