ഇരിട്ടി: തികച്ചും സമാധാനം നിലനില്‍ക്കുന്ന മുഴക്കുന്നു പഞ്ചായത്തിലെ വിവിധ ഭാഗങ്ങളില്‍ നിരന്തരം അക്രമം അഴിച്ചു വിട്ട് പ്രദേശത്തെ കലാപ ഭൂമിയാക്കാന്‍ ശ്രമിക്കുന്ന സിപിഎം ക്രിമിനല്‍ സംഘത്തിന്റെ ശ്രമം അവസാനിപ്പിക്കണമെന്ന് ബിജെപി മുഴക്കുന്ന് പഞ്ചായത്ത് കമ്മിറ്റി ആവശ്യപ്പെട്ടു. സ്വന്തം വീട്ടില്‍ നിന്നും 50 മീറ്റര്‍ പോലും അകലമില്ലാത്ത കൂരാറ്റില്‍ മുത്തപ്പന്‍ മടപ്പുര ഉത്സവത്തില്‍ പങ്കെടുക്കാന്‍ എത്തിയ ആര്‍എസ്എസ് പ്രവര്‍ത്തകന്‍ ഉമേഷിനെ പുറത്തു നിന്നും എത്തിയ ഇരുപതോളം വരുന്ന സിപിഎം ക്രിമിനല്‍ സംഘം ആക്രമിച്ചു പരിക്കേല്‍പ്പിച്ചിരുന്നു. ഗുരുതരമായി പരിക്കേറ്റ ഉമേഷ് ഇപ്പോള്‍ തലശ്ശേരി ഇന്ദിരാഗാന്ധി ആശുപത്രിയില്‍ ചികിത്സയിലാണ്. സംഭവത്തിനു ശേഷം ഇതേ ക്രിമിനല്‍ സംഘം പഞ്ചായത്തിന്റെ വിവിധ ഭാഗങ്ങളില്‍ കാറില്‍ സഞ്ചരിച്ച് ബോംബു സ്‌ഫോടനം നടത്തി ഭീകരാന്തരീക്ഷം സൃഷ്ടിക്കുകയും ചെയ്തു. സത്യം ഇതായിരിക്കേ ആര്‍എസ്എസ്സുകാര്‍ കാറിനു ബോംബെറിഞ്ഞു എന്ന് കള്ളം പ്രചരിപ്പിച്ച് സിപിഎം നേതൃത്വം സംഭവത്തില്‍ നിന്നും രക്ഷപ്പെടാനുള്ള ശ്രമമാണ് നടത്തിയത്. രാഷ്‌ട്രീയ കക്ഷി നേതൃത്വങ്ങള്‍ സര്‍വക്ഷി യോഗം വിളിച്ചു സമാധാന ശ്രമം നടത്തുമ്പോള്‍ മറുഭാഗത്ത് അക്രമ രാഷ്‌ട്രീയം വളര്‍ത്തി നാട്ടില്‍ അരാജകത്വം സൃഷിടിക്കുവാനാണ് സിപിഎം ക്രിമിനല്‍ സംഘങ്ങള്‍ ശ്രമിക്കുന്നത്. ഈ സംഘങ്ങളെ തള്ളിപ്പറയാന്‍ സിപിഎം നേതൃത്വം തയ്യാറാവണമെന്ന് നിഷ്പക്ഷമായ അന്വേഷണം നടത്തി നീതി നടപ്പിലാക്കാന്‍ പോലീസ് തയ്യാറാവണമെന്ന് ബിജെപി മുഴക്കുന്നു പഞ്ചായത്ത് കമ്മിറ്റി ആവശ്യപ്പെട്ടു. പ്രസിഡന്റ് വി.മുരളീധരന്‍ അദ്ധ്യക്ഷത വഹിച്ചു. എന്‍,വി.ഗിരീഷ്, ആര്‍.പി.പത്മനാഭന്‍, സി.സുരേഷ് ബാബു, എം.ഹരിദാസ്, വത്സന്‍ പാല എന്നിവര്‍ സംസാരിച്ചു.
ഉത്സവ സ്ഥലങ്ങളെ മറയാക്കി അക്രമം നടത്തുന്ന പ്രവണത സിപിഎം അവസാനിപ്പികണം: ബിജെപി
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.