പാലക്കാട്: പൂത്തൂര് ബ്രഹ്മസ്ഥാന ക്ഷേത്ര വാര്ഷികമഹോത്സവത്തിനായി മാതാ അമൃതാനന്ദമയി നാളെ പാലക്കാടെത്തും. ചെന്നൈയില് നിന്നും രാത്രിയോടെ ക്ഷേത്രത്തിലെത്തുന്ന അമ്മയെ ഭക്തര് സ്വീകരിക്കും.
രണ്ട് ദിവസവും 11മണിക്ക് അമ്മ വേദിയിലെത്തും.ഭക്തിഗാനസുധ,അനുഗ്രഹപ്രഭാഷണം,ധ്യാന പരിശീലനം എന്നിവക്ക് പുറമെ ദര്ശനവും ഉണ്ടായിരിക്കും.
ആശ്രമത്തില് തയ്യാറാക്കിയിട്ടുള്ള പന്തലിലെ ഇരിപ്പിടങ്ങളില് തന്നെ രാവിലെ മുതല് ടോക്കണുകള് ലഭ്യമായിരിക്കും. മഹോത്സവത്തോടാനുബന്ധിച്ച് രണ്ട് ദിവസവും രാവിലെ 5.30മുതല് ആറുവരെ ധ്യാനം, തുടര്ന്ന് വൈകുന്നേരം വരെ ഉദയാസ്തമയ ലളിതാ സഹസ്രനാമാര്ച്ചന,ഒന്പതിന് രാവിലെ ഏഴ് മണിക്ക് രാഹുദോഷ നിവാരണ പുജ,പത്തിന് രാവിലെ ഏഴ് മണിക്ക് ശനിദോഷ നിവാരണ പൂജ ഉണ്ടായിരിക്കും.
പങ്കെടുക്കുന്നമുഴുവന് ആളുകള്ക്കും മൂന്ന്നേരം സൗജന്യഭക്ഷണവും കുടിവെള്ളവും ലഭ്യമാക്കും. സൗജന്യ ടോക്കണ് സമ്പ്രദായത്തിലൂടെയാണ് സന്ദര്ശനം.വിവരങ്ങള്ക്ക് 0491-2535011 നമ്പറില് ബന്ധപ്പെടണം.
