ആലുവ: എക്സൈസില് കൂടുതല് വനിതകളെ കൂടി ഉള്പ്പെടുത്തി സേനയുടെ അംഗ ബലം വര്ദ്ധിപ്പിക്കുന്നത് പരിഗണനയിലുണ്ടെന്ന് മന്ത്രി ടി.പി. കൃഷ്ണന്. ആലുവയില് എക്സൈസ് കലാകായികമേളയില് വിജയികള്ക്കുള്ള അനുമോദവും കേരള സ്റ്റേറ്റ് എക്സൈസ് സ്റ്റാഫ് അസോസിയേഷന്റെ വെബ്സെറ്റിന്റെ സ്വിച്ച് ഓണ് കര്മ്മവും നിര്വ്വഹിച്ച് സംസാരിക്കുകയായിരുന്നു അദ്ദേഹം.
നിലവിലെ അംഗ ബലം സേനയ്ക്ക് പര്യാപ്തമല്ല. സേനയ്ക്ക് കൂടുതല് ആയുധങ്ങള് നല്കുന്ന കാര്യം സര്ക്കാര് പരിഗണയിലാണ്. മദ്യത്തില് നിന്ന് സമൂഹത്തെ മോചിപ്പിക്കുന്നതിനുള്ള വിമുക്തയുടെ ബോധവല് ക്കരണ പരിപാടികള് താഴെത്തട്ടില് നിന്നും ആരംഭിക്കേണ്ടതുണ്ട്. വിദ്യാര്ത്ഥികള്, കുടുംബശ്രീ പ്രവര്ത്തകര്, ആശവര്ക്കര്മാര് എന്നിവരെ ഇതിന്റെ ഭാഗമാക്കണമെന്നും അദ്ദേഹം പറഞ്ഞു.
കേരള സ്റ്റേറ്റ് എക്സൈസ് സ്റ്റാഫ് അസോസിയേഷന് (കെഎസ്ഇഎസ്എ) പ്രസിഡന്റ് എം. വര്ഗ്ഗീസ് ആന്റണി അദ്ധ്യക്ഷത വഹിച്ചു. മധ്യമേഖല ജോ.എക്സൈസ് കമ്മീഷണര് മുഹമ്മദ് യാസിന്, ഡെപ്യൂട്ടി എക്സൈസ് കമ്മീഷണര് എ.കെ. നാരായണ്കുട്ടി, ഓഫീസേഴ്സ് അസോസിയേഷന് ജനറല് സെക്രട്ടറി സി.കെ. പവിത്രന്, സ്പേര്ട്സ് ഓഫീസര് ജി. ചന്തു എന്നിവര് സംസാരിച്ചു.
അസോസിയേഷന് ജനറല് സെക്രട്ടറി കെ.രാമകൃഷ്ണന് സ്വാഗതവും , ജില്ല സെക്രട്ടറി ഡേവിസ് നന്ദിയും പറഞ്ഞു.
