പുതുക്കാട് : ദേശീയപാതയില് ടോള് പിരിവ് കമ്പനി കരാര് ലംഘനം നടത്തുന്നുവെന്ന ഹര്ജിയില് അഭിഭാഷക കമ്മീഷന് രണ്ടാംഘട്ട പരിശോധനക്കെത്തി. ഇരിങ്ങാലക്കുട സബ് കോടതിയുടെ നിര്ദേശാനുസരണം കെ. ജഗദീഷാണ് അഭിഭാഷക കമ്മീഷനായെത്തിയത്. ശനിയാഴ്ച വൈകീട്ടാണ് പരിശോധന നടത്തിയത്. പാലിയേക്കര ടോള്പ്ലാസയിലെ ഗതാഗതക്കുരുക്ക്, സര്വീസ് റോഡുകളുടെ അപാകം, റോഡുകളുടെ വശങ്ങളിലെ സുരക്ഷ എന്നിവ കമ്മീഷന് പരിശോധിച്ചു. അഭിഭാഷകരായ എം.എ. ജോയ്, കെ.ഡി. സുഷീല്കുമാര്, സി.വി. സാബുരാജ്, പൊതുപ്രവര്ത്തകനായ കെ.പി. ജോസ് എന്നിവരാണ് ഹര്ജിക്കാര്. വാദിഭാഗം അഭിഭാഷകനായ കെ.വി. ജെയിനും കമ്മീഷനോടൊപ്പമുണ്ടായിരുന്നു. ദേശീയപാത അതോറിറ്റി നിര്ദേശിക്കുന്ന മാനദണ്ഡങ്ങള് പാലിക്കാതെയും ശരിയായ കംപ്ലീഷന് സര്ട്ടിഫിക്കറ്റ് നേടാതെയും ടോള് പിരിവ് തുടരരുതെന്നാണ് ഹര്ജിക്കാരുടെ ആവശ്യം.
ടോള് കമ്പനിയുടെ കരാര് ലംഘനം: രണ്ടാംഘട്ട പരിശോധന നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.