ചാലക്കുടി: ചിറങ്ങര പൊങ്ങത്ത് ദേശീ യ പാതയോരത്ത് റെഡിമികിസ് യൂണിറ്റ് തുടങ്ങുവാനുള്ള നീക്കത്തില് വ്യാപക പ്രതിഷേധം. ആദ്യകാലത്ത് പാടശേഖരമായിരുന്ന സ്ഥലം സ്വാധീനം ഉപയോഗിച്ച് പിന്നീട് കരഭൂമിയാക്കി മാറ്റിയാണ് മിക്സര് യൂണിറ്റ് സ്ഥാപിക്കുന്നത്. കൊരട്ടി പഞ്ചായത്തില് നിന്ന് ഷെഡ് നിര്മ്മിക്കാന് മാത്രമാണ് അനുമതി നല്കിയിരിക്കുന്നതെന്നും റെഡിമിക്സ് യൂണിറ്റിനല്ലെന്നും പഞ്ചായത്ത് സെക്രട്ടറി പറയുന്നു.
പരിസര മലനീകരണത്തിന് കാരണമാകുന്ന റെഡിമിക്സ് യൂണിറ്റ് ആരംഭിക്കാന് ഒരു കാരണവശാലും അനുവദിക്കില്ലെന്നാണ് നാട്ടുകാര് പറയുന്നത്. മുന് പഞ്ചായത്തംഗത്തിന്റെ നേതൃത്വത്തില് ഭരണ സ്വാധീനം ഉപയോഗിച്ചാണ് യൂണിറ്റ് തുടങ്ങുവാന് പോകുന്നതെന്നും പറയപ്പെടുന്നു. മാനദണ്ഢങ്ങളും നിയമങ്ങളും പാലിക്കാതെ പരിസര വാസികള്ക്കും,പരിസ്ഥിക്കും ദോഷകരമാക്കുന്ന യൂണിറ്റ് തുടങ്ങുവാനുള്ള നീക്കം ഉപേക്ഷിക്കണമെന്ന ബിജെപി പഞ്ചായത്ത് പ്രസിഡന്റ് സി.ആര്.അജേഷ്,ജനറല് സെക്രട്ടറി വി.സി.സിജു തുടങ്ങിയവര് ആവശ്യപ്പെട്ടു.
ഇതിനെതിരെ പ്രതിക്ഷേധ സമരവുമായി യൂത്ത് കോണ്ഗ്രസും രംഗത്തുണ്ട്.സ്ഥലത്തേക്ക് മാര്ച്ച് നടത്തി കൊടി നാട്ടി.മണ്ഡലം പ്രസിഡന്റ് ആല്ബിന് പൗലോസ്,ആന്റു കോട്ടക്ക,ബേസില് ഏലിയാസ്തുടങ്ങിയവര് നേതൃത്വംനല്കി.
