12 ലക്ഷം പേര് അന്തരീക്ഷ മലിനീകരണം മൂലം ഇന്ത്യയില് പ്രതിവര്ഷം മരണപ്പെടുന്നതായി പഠനം. ഏറ്റവും കൂടുതല് മലിനീകരണം നേരിടുന്ന നഗരം ദല്ഹിയാണ്. 168 നഗരങ്ങളില് ഒന്നുപോലും വായു ഗുണമേന്മാ മാനദണ്ഡത്തിനു കീഴില് വരുന്നില്ല.
26 ലക്ഷം ലഹരി ഗുളികകളുമായി രണ്ടുപേര് പിടിയില്. റോഡ് മാര്ഗമുള്ള അതിര്ത്തിവഴി വന്തോതില് ലഹരി ഗുളികകള് കടത്താനുള്ള ശ്രമം അബുദാബി പോലീസ് വിഫലമാക്കി. ഇത് സൗദിയിലേക്ക് കടത്താന് ശ്രമിക്കുകയായിരുന്നു.
30 ശതമാനം പേരുടെ െ്രെഡവിംഗ് ലൈസന്സുകള് വ്യാജമെന്ന് കേന്ദ്ര ഉപരിതല ഗതാഗതമന്ത്രി ഗഡ്ഗരി. രാജ്യത്ത് വാഹനം ഓടിക്കുന്നവരില് 30 ശതമാനം പേരുടേയും കൈവശമുള്ളത് വ്യാജ െ്രെഡവിംഗ് ലൈസന്സാണെന്നും ഗഡ്കരി പറഞ്ഞു.
58 പേര് അഫ്ഗാന് നഗരങ്ങളില് താലിബാന് നടത്തിയ സ്ഫോടന പരമ്പരയില് കൊല്ലപ്പെട്ടു. ഇവരില് അഞ്ച് യുഎഇ നയതന്ത്രജ്ഞരും ഉള്പ്പെടും. ചൊവ്വാഴ്ച തെക്കന് കാണ്ഡഹാറില് ഗവര്ണറുടെ കാര്യാലയത്തിനുള്ളിലായിരുന്നു സ്ഫോടനം.
64 കോടി ഡോളറിന്റെ വൈദ്യുതി പദ്ധതിക്ക് അനുമതി. ഇന്ത്യയില് 64 കോടി ഡോളറിന്റെ വൈദ്യുതി പദ്ധതിക്ക് അനുമതി ലഭിച്ചതായി സൂറിച്ച് ആസ്ഥാനമായി പ്രവര്ത്തിക്കുന്ന സ്വിസ് ടെക്നോളജി ഗ്രൂപ്പായ എബിബി പത്രക്കുറിപ്പില് അറിയിച്ചു.
