ജില്ലാ സ്കൂള് കലോത്സവത്തിന്റെ ഉദ്ഘാടനത്തിന് മുന്നോടിയായി നടന്ന ഘോഷയാത്ര നിറം മങ്ങി. സില്വര് ഹില്സ് സ്കൂളില് നിന്നാരംഭിച്ച ഘോഷയാത്ര കാണികളെയും നിരാശരാക്കുന്നതായി. കലോത്സവം നടക്കുന്ന സ്കൂളുകളിലെയും തൊട്ടടുത്ത സ്കൂളുകളിലെയും എന്സിസി, എസ്പിസി, ജെആര്സി, സ്കൗട്ട്, ഗൈഡ്സ്, എന്എസ്എസ് അംഗങ്ങള് മാത്രമാണ് ഘോഷയാത്രയില് പങ്കെടുത്തത്. ബാനറിനു മുന്നിലായി ചെണ്ടമേളവും പിറകിലായി വിരലിലെണ്ണാവുന്ന മുത്തുക്കുടകളും ഉണ്ടായിരുന്നു. ദര്ശനം സാംസ്കാരിക വേദി പ്രവര്ത്തകര് കലാവൃക്ഷവുമായി ഘോഷയാത്രയില് അണിനിരന്നു.
വേണ്ടത്ര ഫണ്ട് ലഭ്യമാകാത്തതാണ് ഘോഷയാത്ര നിറം മങ്ങാന് കാരണമായതെന്ന ആക്ഷേപമുണ്ട്. മുമ്പിലെ ബാനറിനു കീഴില് അണിനിരക്കാന് മന്ത്രിമാരോ എംഎല്എമാരോ എംപിമാരോ ഉണ്ടായിരുന്നുമില്ല. കൗണ്സിലര്മാരും വിദ്യാഭ്യാസ വകുപ്പ് ജില്ലാ തല ഉദ്യോഗസ്ഥരും അധ്യാപക സംഘടനാ പ്രതിനിധികളുമായിരുന്നു അണിനിരന്നത്.
