അമ്പലപ്പുഴ: കലോത്സവം പുരോഗമിക്കുമ്പോള് വിജയികളെ കാത്തിരിക്കുന്നത് ജില്ലാ പഞ്ചായത്ത് സംഭാവന നല്കിയ എവര്റോളിങ്ങ് ടോഫി ഉള്പ്പെടെ 295 ടോഫികളും ഒരു സൈക്കിളുമാണ്. എവര്റോളിങ്ങിന് നല്കുന്ന ടോഫികള് എല്ലാം ഈ വര്ഷം വാങ്ങിയ പുതിയ ടോഫികള് എന്ന പ്രത്യേകതയും ഉണ്ട്.
രണ്ടാമത് എത്തുന്ന ഉപജില്ലയ്ക്ക് എംപി കെ.സി. വേണുഗോപാലാണ് ട്രോഫി നല്കുന്നത്. യുപി വിഭാഗത്തില് മികച്ച പ്രകടനം നടത്തുന്ന വിദ്യാര്ത്ഥിക്ക് അകാലത്തില് മരണമടഞ്ഞ വഴുവാടി വിശ്വകര്മ്മ യുപി സ്കൂളിലെ സിന്ധുഭാസ്ക്കര് ടീച്ചറിന്റെ ഓര്മ്മയ്ക്ക് അമ്മ ഏര്പ്പെടുത്തിയ ടോഫി നല്കും.
കലവൂര് എന്. ഗോപിനാഥ് തുടങ്ങി കായിക, കല, സാംസ്ക്കാരിക, സാമൂഹിക, വ്യവസായ രംഗത്തെ പ്രമുഖര് ട്രോഫികള് നല്കിയിട്ടുണ്ട്. മികച്ച പ്രകടനം നടത്തുന്ന വിദ്യാര്ത്ഥികളില് നിന്ന് നറുക്കിട്ട് വിജയിക്ക് അമ്പലപ്പുഴയിലെ ഒരു സ്ഥാപനം നല്കുന്ന 8,500 രൂപ വിലയുള്ള ഒരു സൈക്കിളും കാത്തിരിക്കുന്നു.
എച്ച്എസ്എസ് വിഭാഗത്തിന്112, എച്ച്എസ് വിഭാഗം 97, യുപി വിഭാഗം 47, ഓവറോള് വിഭാഗത്തില് 39 ട്രോഫികളുമാണ് സംഘാടകര് ഒരുക്കിയിട്ടുള്ളത്. അഡ്വ. ശ്രീകുമാര് ചെയര്മാനും ഉണ്ണി ദേവരാജ് കണ്വീനറുമായ ട്രോഫി കമ്മറ്റിയാണ് പ്രവര്ത്തിക്കുന്നത്
