ജലാശയം വൃത്തിയാക്കാന് പോലും വനംവകുപ്പിലെ ചില ഉന്നത ഉദ്യോഗസ്ഥര് അനുവദിക്കുന്നില്ലെന്നാണ് ആക്ഷേപം. ത്രേതായുഗത്തെ കണ്ണീരണിയിച്ച രാമായണവുമായി ബന്ധപ്പെട്ട ഐതീഹ്യ ങ്ങളാല് സമ്പന്നമാണ് ഈ പ്രദേശം. ശ്രീരാമന് ഉപേക്ഷിച്ച ഗര്ഭിണിയായ സീത എത്തിപ്പെട്ട സ്ഥലമാണിതെന്നും ദുഖിതയായ ദേവിയുടെ കണ്ണുനീര് വീണ് രൂപപ്പെട്ടതാണ് ഈ തടാകമെന്നുമാണ് വിശ്വാസം.
വയനാട് വന്യജീവി സങ്കേതത്തിന്റെ പരിധിയില് വരുന്ന മുത്തങ്ങ വനമേഖലയില് പെട്ടതാണ് ഈ ജലാശയം ഉള്പ്പെടുന്ന ഇരുപത്-ഇരുപത്തഞ്ച് സെന്റ് ഭൂമി. ഡിസംബര് ആദ്യവാരം ഈ തടാകം പ്രതിഫലം പറ്റാതെ നവീകരണ ജോലികള് ചെയ്യാന് തയ്യാറാണെന്ന് അിറയിച്ച് കോഴിക്കോട് കെഎംസിടി ആര്ട് ആന്റ് സയന്സ് കോളേജിലെ അറുപതോളം വരുന്ന വിദ്യാര്ത്ഥികളും അദ്ധ്യാപകരും വനം വകുപ്പ് മേധാവികള്ക്കും ജില്ലാകളക്ടര്ക്കും അനുമതി തേടി അപേക്ഷ നല്കുകയും ചെയ്തു. ജില്ലാകലക്ടര് എല്ലാ സഹായവും ഉറപ്പു നല്കി മറുപടിയും കൊടുത്തതാണ്. എന്നാല് ഡിസംബര് അവസാന വാരത്തില് പ്രവൃത്തിക്കായി വിദ്യാര്ത്ഥികള് എത്തുന്നതിന് മുമ്പ് തടാകം നവീകരിക്കാന് അനുവദിക്കില്ലെന്ന് അറിയിക്കുകയായിരുന്നു. തടാകം നവീകരിക്കാനുള്ള ദൗത്യത്തിന് ബത്തേരി ഗണപതി ക്ഷേത്രം ഭരണസമിതിയും എല്ലാ സഹായങ്ങളും ഉറപ്പുനല്കിയിരുന്നു. ഈ തടാകത്തോട് ചേര്ന്ന് ഒഴുകുന്ന നൂല്പ്പുഴയില്നിന്ന് ഏതാനും വര്ഷം മുമ്പ് മഴക്കാലത്ത് ആഫ്രിക്കന് പായല് കടന്നു കൂടിയതോടെയാണ് ഇതിന്റെ അപചയവും തുടങ്ങിയത്. അനുമതി നിഷേധിച്ചുകൊണ്ട് കോളേജ് പ്രിന്സിപ്പാളിന് നല്കിയ മറുപടിയില് മുത്തങ്ങാ ഡെപ്യൂട്ടി റെയ്ഞ്ചര് പറഞ്ഞത് ഈ ജലാശയം പഴയ രൂപത്തില് തിരിച്ചു വന്നാല് കാട്ടാന ഉള്പ്പെടെയുളള വനജീവികളുടെ ശല്ല്യത്തിന് ഇത് കാരണമാകുമെന്നാണ്. കര്ണ്ണാടകയില് നിന്ന് ശബരിമല സന്ദര്ശനത്തിന് എത്തുന്ന ഭക്തരുടെ ഇടത്താവളമാണിവിടം എന്നുമാണ് ഇവരുടെ ന്യായീകരണം. വേനല് രൂക്ഷമാകുന്നതോടെ കര്ണ്ണാടക-തമിഴ്നാട് വനങ്ങളില് നിന്ന് കൂട്ടത്തോടെ എത്തുന്ന വന ജീവികള് ഈ പ്രദേശത്തെ യാണ് ദാഹജലത്തിനായി ആശ്രയിക്കുന്നത്. പുഴയില് നീരൊഴുക്ക് കുറയുമ്പോഴും ഈ തടാകമാണ് ഇവയ്ക്ക് ആശ്രയം. പുഴയില് ഇപ്പോള് വെളളം കുടിക്കാനെത്തുന്ന വനജീവികള് നാട്ടുകാര്ക്ക് ഭീക്ഷണി അല്ലെന്നിരിക്കെ തടാകം നവീകരിച്ചാല് വനജീവി ശല്ല്യത്തിന് കാരണമാകുമെന്ന വാദം അംഗീകരിക്കാനാവില്ല. വനജീവികള്ക്ക് കുടിവെളളം മുടക്കുന്ന വനപാലകര് വന്യജീവി സംരക്ഷണത്തിന് പുതിയ ഭാഷ്യം ചമയ്ക്കുകയാണ്.ഇത് ഗൂഢാലോചനയാണെന്നും ആരോപണമുണ്ട്.
പുരാതന ജൈന സംസ്കൃതിയുടെ ചരിത്ര ശേഷിപ്പാണ് പൊന്കുഴി ക്ഷേത്ര സമുച്ചയങ്ങളും ഈ തടാകത്തെ സംബന്ധിക്കുന്ന ഐതീഹ്യങ്ങളും. ഇത് സംബന്ധിച്ച ചരിത്രങ്ങള് വായിയ്ക്കാനെങ്കിലും ഈ ഉദ്യോഗസ്ഥര് തയ്യാറാകേണ്ടതാണെന്നും പൊതു സമൂഹം അഭിപ്രായപ്പെടു ന്നു.
