തിരുവല്ല:തൃപ്തി ദേശായിയെ ജില്ലയില് കാലുകുത്താന് അനുവദിക്കില്ലെന്ന് ഹിന്ദുവിജിലന്റ് മൂവ്മെന്റ് സംസ്ഥാന കണ്വീനര് സന്തോഷ് സദാശിവമഠം.ശബരിമല തീര്ത്ഥാടനം അട്ടമറിക്കാനുള്ള നീക്കത്തിന്റെ ഭാഗമായാണ് ഇത്തരം നീക്കങ്ങള് നടക്കുന്നത്. ഇതിന് പിന്നില് ആസൂത്രിത ശക്തികള് ഉണ്ട്.
സംസ്ഥാന സര്ക്കാര് ഇത്തരക്കാര്ക്ക് ഒത്താശചെയ്യുന്ന സംവിധാനമായി മാറിയിരിക്കുന്നുവെന്നും അദ്ദേഹം പറഞ്ഞു.തൃപ്തി ദേശായിയുടെ യാത്രക്കെതിരെ ഹിന്ദുസംഘടനകളോടൊപ്പം നിന്ന് പ്രതിഷേധ പരിപാടികള് സംഘടിപ്പിക്കുമെന്നും അദ്ദേഹം പറഞ്ഞു.ശബരിമലക്ക് മലചവിട്ടുന്ന അയ്യപ്പഭക്തനെ അവഗണിക്കുന്ന സമീപനമാണ് സര്ക്കാര് നടത്തുന്നത്.കോടാനുകോടി വിശ്വാസികളുടെ ആശ്രയ കേന്ദ്രമായ ഇവിടുത്തെ സ്വത്ത് മാത്രമാണ് സര്ക്കാരിന്റെ ലക്ഷ്യം.തീര്ത്ഥാടന കാലം തുടങ്ങി ദിവസങ്ങള് കഴിഞ്ഞിട്ടും അടിസ്ഥാന സൗകര്യങ്ങള് പോലും പൂര്ണ സജ്ജമാക്കാന് സര്ക്കാരിന് സാധിച്ചില്ല.അനുകൂല കാലവസ്ഥ വരെ ഉണ്ടായിട്ടും റോഡുകള് നന്നാക്കിയ യാത്രായോഗ്യമാക്കാന് സര്ക്കാരിന് സാധിച്ചിട്ടില്ല. മുല്ലപ്പെരിയാര് അടക്കമുള്ള വിവാദങ്ങള് തീര്ത്ഥാടന കാലത്ത് ഉയര്ത്തുന്നത് ആസൂത്രിതമാണ്.ശബരിമല തീര്ത്ഥാടനം അട്ടിമറിക്കാനുള്ള നീക്കങ്ങള് ഒറ്റക്കെട്ടായി നേരിടുമെന്നും അദ്ദേഹം പറഞ്ഞു.
