കാട്ടിക്കുളം : പാല്വെളിച്ചം കുറുവദ്വീപ് ടൂറിസം കേന്ദ്രത്തില് കക്കൂസ് മാലിന്യം പൊട്ടിയൊഴുകുന്നു. ഓരാഴ്ച്ചയായി കക്കൂസ് ടാങ്ക് നിറഞ്ഞ് മലവിസര്ജ്ജ്യം പുറത്തോക്ക് ഒഴുകുകയാണ്.
നിരവധി തവണ ടൂറിസം മനേജരുടെ ശ്രദ്ധയില്പ്പെടുത്തിയിട്ടും ഒരു നടപടിയും എടുക്കുന്നില്ലെന്നാണ് പ്രദേശവാസികള് പറയുന്നത്. മലവിസര്ജ്ജ്യം കെട്ടിനില്ക്കുന്ന ഭാഗങ്ങളില് നിരവധി കുടുംബശ്രീ കാന്റീനുക ളും മറ്റ് നിരവധി ഷോപ്പുകളും പ്രവര്ത്തിക്കുന്നുണ്ട്. ശനിയും ഞായറും ഉള്പ്പെടെ അവധിദിന ങ്ങളില് സഞ്ചാരികള് കൂടുമ്പോള് കക്കൂസ് മാലിന്യം പരസ്യമായി റോഡിലേക്കൊഴുകുന്നുണ്ടെന്നും സമീപവാസികള് പറയുന്നു.
ടൂറിസം കേന്ദ്രത്തിന്റെ കാര്യങ്ങള് നോക്കാതെ മാനേജര് പഴയ നോട്ടുകള് മാറികൊ ടുക്കുന്ന പരിപാടിയില് ഏര് പ്പെട്ടിരിക്കുന്നതായാണ് ആരോപണം. സഞ്ചാരികളില് നിന്ന് ടിക്കറ്റ് ഇനത്തില് വാങ്ങുന്ന 100, 50 നോട്ടുകളുടെ ലക്ഷങ്ങള് ഉപയോഗിച്ച് പഴ യ 500, 1000 നോട്ടുകള് ഇയാ ള് സ്വന്തം നിലക്ക് വെളുപ്പിക്കുന്നതായും ആക്ഷേപമുണ്ട്.
ഡെപ്യൂട്ടി ഡയറക്ടര് ടൂറിസം വകുപ്പിന് പരാതി നല്കിയിട്ടും ഒരു നടപടിയും ഉണ്ടായിട്ടില്ല. അവധി ദിവസങ്ങളില് സഞ്ചാരികള് കൂടുമ്പോള് കക്കൂസ് ടാങ്ക് നിറഞ്ഞ് വിസര്ജ്ജ്യ വസ്തുക്കള് റോഡിലൂടെ ഒഴുകി കബനിയി ലേക്കാണ് എത്തുന്നത്. ഇതിന് സമീപത്തായി നൂറ് മീറ്റര് അകലെമാത്രം തിരുനെല്ലി ഗ്രാമപഞ്ചായത്തിലെ വിവിധ ഭാഗങ്ങളിലേക്ക് ശുദ്ധജലം എത്തിക്കുന്ന ടാങ്കും മോട്ടറും പമ്പ് സെറ്റുകളും പ്രവര്ത്തിക്കുന്നുണ്ട്.
