ന്യുയോര്ക്ക്: നിയുക്ത യുഎസ് പ്രസിഡന്റ് ഡോണള്ഡ് ട്രംപിന്റെ ഉപദേശക സമിതിയില് പെപ്സികോ ചെയര്മാന് ഇന്ദ്ര നൂയിയെ ഉള്പ്പെടുത്തി. പെപ്സികോയിലെ അവരുടെ മികച്ച പ്രകടനം അമേരിക്കയുടെ സാമ്പത്തിക മേഖലയില് കൂടുതല് ഗുണം ചെയ്യുമെന്ന് ട്രംപ് പറഞ്ഞു.
രാജ്യത്തെ വ്യവസായിക അന്തരീക്ഷം മെച്ചപ്പെടുത്തുന്നതിനു വേണ്ടിയാണ് തന്റെ ശ്രമമെന്നും സിലിക്കന് വാലി മുതല് ഹാര്ട്ട്ലാന്ഡ് വരെ തൊഴിലവസരങ്ങള് തുറക്കുന്ന അമേരിക്കയാണ് താന് ലക്ഷ്യമിടുന്നതെന്നും ഇന്ദ്ര നൂയിയുടെ നിയമനം പ്രഖ്യാപിച്ചുകൊണ്ട് ട്രംപ് അറിയിച്ചു. സാമ്പത്തിക അജന്ഡ നിശ്ചയിക്കുന്ന സ്ട്രാറ്റജിക് ആന്ഡ് പോളിസി ഫോറത്തിലാണ് ഇന്ദ്ര നൂയിയെ ഉള്പ്പെടുത്തിയിരിക്കുന്നത്.
ട്രംപിന്റെ 19 അംഗ ഉപദേശക സമിതിയില് എത്തുന്ന ആദ്യ ഇന്ത്യന് വംശജയാണ് ചെന്നൈയില് ജനിച്ച നൂയി. ഇന്ദ്ര നൂയിയോടൊപ്പം വ്യവസായ മേഖലയില് നിന്ന് മറ്റ് രണ്ട് വക്തികളെയും ഉപദേശക സമതിയിലേക്ക് തെരഞ്ഞെടുത്തിട്ടുണ്ട്. ജാക്ക് വെല്ഷ്, ട്രാവിസ് കലാനിക്, ജാമി ഡിമണ്, മേരി ബേറ എന്നിവരും അംഗങ്ങളാണ്. 2017 ജനുവരി 20നു മുമ്പ് കൂടുതല് വ്യവസായ പ്രമുഖരെ ഉള്പ്പെടുത്തി സമിതി വിപുലീകരിക്കുമെന്നും ട്രംപിന്റെ ഓഫീസ് അറിയിച്ചു.
