ഇരിട്ടി: മാക്കൂട്ടം ചുരം റോഡില് ബൈക്കില് ലോറിയിടിച്ച് ബൈക്ക് യാത്രികനായ യുവാവ് മരിച്ചു. കൂടെയുണ്ടായിരുന്ന മറ്റൊരു യുവാവിനെ ഗുരുതരപരിക്കുകളോടെ ആശുപത്രിയില് പ്രവേശിപ്പിച്ചു. കൂടാളി സ്വദേശി ഗോവിന്ദന്-വസന്ത ദമ്പതികളുടെ മകന് തുമ്പോല ഹൗസില് ഹരീഷ് (32) ആണ് മരണമടഞ്ഞത്. കൂടെ യാത്രചെയ്ത ചാലോട് പള്ളിപ്പൊയില് സ്വദേശി തവനിശ്ശേരി ഹൗസില് അമലിനെ(30) ഗുരുതര പരിക്കുകളോടെ കണ്ണൂര് എകെജി ആശുപത്രിയില് പ്രവേശിപ്പിച്ചു.
ഇന്നലെ ഉച്ചക്ക് 2 മണിയോടെ ചുരം റോഡില് മെതിയടിപ്പാറ ഹനുമാന് ക്ഷേത്രത്തിന് സമീപത്തായിരുന്നു അപകടം. കുടക് ഭാഗത്ത് നിന്നും ഇരിട്ടി ഭാഗത്തേക്ക് വരികയായിരുന്ന ബൈക്കില് ഇരിട്ടിയില് നിന്നും കുടകിലേക്ക് പോവുകയായിരുന്ന നാഷണല് പെര്മിറ്റ് ലോറി ഇടിക്കുകയായിരുന്നു. ലോറി നിര്ത്താതെ പോയി. കുടകില് നിന്നും ഇരിട്ടി ഭാഗത്തേക്ക് വരികയായിരുന്ന കാറില് ഉണ്ടായിരുന്നവരാണ് അപകടത്തില്പ്പെട്ടവര് റോഡില് കിടക്കുന്നത് കണ്ടത്. രണ്ടു കാറുകളിലായി ഇവരെ ഇരിട്ടിയിലെ സ്വകാര്യ ആശുപത്രിയില് എത്തിച്ചെങ്കിലും വഴിമധ്യേ ഹരീഷ് മരണമടയുകയായിരുന്നു. മൂന്നു ലോറികള് ഒന്നിച്ചു ചുരം കയറി പോകുന്നത് കണ്ടതായ ഇവരെ ഇരിട്ടിയില് എത്തിച്ച കാറില് ഉള്ളവര് പറഞ്ഞു. നിര്ത്താതെ പോയ ലോറിക്കായി തെരച്ചില് തുടരുന്നു. ഹരീഷിന്റെ മൃതദേഹം പോസ്റ്റ് മോര്ട്ടത്തിനായി പരിയാരം മെഡിക്കല് കോളേജിലേക്ക് മാറ്റി. ഹരീഷിന്റെ ഭാര്യ: ലിന്ഷ. മകള് : സായ .
