നീലേശ്വരം: അധികൃതര് കനിഞ്ഞാല് ഹൈവേ വികസനത്തിന്റെ പേരില് പൊളിച്ചു നീക്കപ്പെടുന്ന ആയിരത്തിലേറെ വര്ഷം പഴക്കമുള്ള ചെറുവത്തൂര് നെല്ലിക്കാല് ഭഗവതി ക്ഷേത്രം സംരക്ഷിക്കാനാകുമെന്ന് ബിജെപി. ദേശീയപാതയോട് ചേര്ന്ന് കിടക്കുന്ന ചെറുവത്തൂരിലെ ഈ ക്ഷേത്രത്തിന് 11സെന്റ് സ്ഥലമാണ് സ്വന്തമായിട്ടുള്ളത്. ഇതില് 7സെന്റ് സ്ഥലത്ത് ക്ഷേത്രവും മറ്റ് കെട്ടിടങ്ങളും. തരിശായി കിടക്കുന്ന റോഡിന്റെ പടിഞ്ഞാറു വശത്തേക്ക് 6 മീറ്റര് മാറി റോഡ് നിര്മ്മിച്ചാല് മത്സ്യബന്ധനം തൊഴിലായി സ്വീകരിച്ച മുകയ സമുദായത്തിന്റെ കേരള-കര്ണ്ണാടക ദേശത്ത് വ്യാപിച്ചുകിടക്കുന്ന 11 ദേവസ്ഥാനങ്ങളുടെ ആരൂഢസ്ഥാനമായ ചെറുവത്തൂര് ശ്രീ നെല്ലിക്കാല് ഭഗവതി ക്ഷേത്രം നിലനിര്ത്താനാകുമെന്നാണ് ക്ഷേത്ര കമ്മറ്റിയും അവകാശപ്പെടുന്നത്.
ക്ഷേത്ര കമ്മറ്റിയുടെ നിര്ദ്ദേശം മുഖവിലക്കെടുത്ത് പുരാതനമായ ഈ ആരാധനാലയം സംരക്ഷിക്കണമെന്ന് ബിജെപി തൃക്കരിപ്പൂര് മണ്ഡലം കമ്മറ്റി അധികൃതരോട് ആവശ്യപ്പെട്ടു.
ബിജെപി ജില്ലാ സെക്രട്ടറി ബളാല് കുഞ്ഞിക്കണ്ണന് യോഗം ഉദ്ഘാടനം ചെയ്തു. മണ്ഡലം പ്രസിഡന്റ് എം.ഭാസ്കരന് അധ്യക്ഷത വഹിച്ചു. മണ്ഡലം ജനറല് സെക്രട്ടറി വെങ്ങാട്ട് കുഞ്ഞിരാമന്, സെക്രട്ടറി പി.യു.വിജയകുമാര്, ട്രഷറര് യു.രാജന്, ജില്ലാ കമ്മറ്റിയംഗങ്ങളായ ടി.രാധാകൃഷ്ണന്, എം.എന്.ഗോപി എന്നിവര് സംസാരിച്ചു.
