ന്യൂദല്ഹി: ശീതളപാനീയത്തില് ലഹരി കലര്ത്തി മയക്കിയശേഷം പരിശീലകന് മാനഭംഗപ്പെടുത്തിയെന്ന ആരോപണവുമായി ഷൂട്ടിംഗ് താരം രംഗത്ത്. ഇതിനെ തുടർന്ന് താരം ചാണക്യപുരി പോലീസ് സ്റ്റേഷനില് കേസ് രജിസ്റ്റര് ചെയ്തതായി എഎന്ഐ വാര്ത്താ ഏജന്സി റിപ്പോര്ട്ട് ചെയ്തു. ദേശീയ തലത്തില് മത്സരിക്കുന്ന ഷൂട്ടിംഗ് താരമാണ് പരാതി നല്കിയിരിക്കുന്നത്.
തന്റെ ജന്മദിന ആഘോഷങ്ങള്ക്കിടെയാണു പരിശീലകന് മാനഭംഗപ്പെടുത്തിയെന്നു യുവതിയുടെ പരാതിയില് പറയുന്നു. പരിശീലകനുമായി തനിക്ക് ബന്ധമുണ്ടായിരുന്നു എന്നും ഇക്കാലത്ത് തന്നെ വിവാഹം ചെയ്യാമെന്ന് പരിശീലകന് വാക്കുനല്കിയിരുന്നതായും യുവതിയുടെ പരാതിയില് വ്യക്തമാക്കുന്നുണ്ട്.
പീഡനത്തെക്കുറിച്ച് പരാമർശിച്ചപ്പോൾ തന്നെ വധിക്കുമെന്നായിരുന്നു മറുപടിയെന്നും പരാതിയിൽ ആരോപിക്കുന്നു.സംഭവത്തില് പോലീസ് അന്വേഷണം ആരംഭിച്ചിട്ടുണ്ട്.
