എയ്റോബിക്സ് മുതിര്ന്നവരുടെ തലച്ചോറില് കാര്യമായ മാറ്റമുണ്ടാക്കുമെന്ന് പഠനം. റിപ്പോര്ട്ട് റേഡിയോളജിക്കല് സൊസൈറ്റി സമ്മേളനത്തില് അവതരിപ്പിക്കും.
എംആര്ഐ സ്കാന് യന്ത്രം ഉപയോഗിച്ചാണ് ഗവേഷകര് പഠനം നടത്തിയത്. ഓര്മ്മക്കുറവും തലച്ചോറില് ചെറിയ തോതിലുള്ള പ്രശ്നങ്ങളും ഉള്ളവരിലാണ് പഠനം നടത്തിയത്. ഇവര് ആഴ്ചയില് നാലു തവണ വീതം ആറു മാസം എയറോബിക്സ് ചെയ്തപ്പോള് തലച്ചോറില് വലിയ മാറ്റങ്ങളാണ് വന്നത്. അവര്ക്ക് കൂടുതല് സന്തോഷം കൈവന്നതായും പഠനത്തില് പറയുന്നു. വേക് ഫോറസ്റ്റ് സ്കൂള് ഓഫ് മെഡിസിനിലെ ഗവേഷകയായ ലാറ ഡി ബേക്കര് പറഞ്ഞു.
അള്ഷിമേഴ്സ് വരാന് വലിയ സാധ്യതയുള്ള, 35 മുതിര്ന്നവരിലാണ് പഠനം നടത്തിയത്. ശരാശരി 63 വയസുള്ള 16 പേരെ ഒരു ഗ്രൂപ്പിലും 67 വയസുള്ള 19 പേരെ മറ്റൊരു ഗ്രൂപ്പായും തിരിച്ചായിരുന്നു പഠനം. ഗവേഷണം തുടങ്ങും മുന്പും പഠനത്തിനു ശേഷവും തലച്ചോറിന്റെ ചിത്രങ്ങള് എടുത്ത് മാറ്റങ്ങള് വിലയിരുത്തി.
ഒരു ഗ്രൂപ്പ് എയ്റോബിക്സും മറ്റൊന്ന് വെറുതേ കൈകാലുകള് വലിച്ചു നിര്ത്തുന്ന സാദാ എക്സര്സൈസും ചെയ്തു. എയ്റോബിക്സ് ചെയ്തവരില് വലിയ മാറ്റങ്ങളാണ് ഉണ്ടായത്. ഓര്മ്മശക്തി കൂടി.
