പന്തീരാങ്കാവ്: ശ്രീമംഗള സഹസ്രചണ്ഡീ മഹായാഗത്തിന് പന്തീരാങ്കാവ് ഗണേശാസാധന കേന്ദ്രത്തില് തുടക്കമായി.
ഇന്നലെ പുലര്ച്ചെ ബാലഗണപതിഹോമത്തോടെയാണ് ഹോമകുണ്ഠത്തില് അഗ്നിജ്വലിപ്പിച്ചത്. കാസര് ഗോഡ് ഇളനീര്മഠം മഠാധിപതി സ്വാമി കേശവാനന്ദ ഭാരതി ധ്വജാരോഹണം നടത്തി. സാമൂതിരി ഉണ്ണിഅനുജന് രാജ, സീമാജാഗരണ് മഞ്ച് ദേശീയ സംയോജകന് എ. ഗോപാലകൃഷ്ണന്, സ്വാമി വിശ്വരൂപാനന്ദ സരസ്വതി, പാലാഞ്ചേരി സുബ്രഹ്മണ്യന് നമ്പൂതിരി, യജ്ഞാചാര്യന് പ്രണവാനന്ദ സരസ്വത്യവധൂത സ്വാമികള് തുടങ്ങിയവര് സന്നിഹിതരായിരുന്നു. വൈകീട്ട് നടന്ന സാം സ്കാരിക സദസ്സ് കണ്ണൂര് അമൃതാനന്ദമയീമഠം മഠാധിപതി സ്വാമി അമൃതകൃപാനന്ദപുരി ഉദ്ഘാടനം ചെയ്തു. അഡ്വ. ഗോവിന്ദ് കെ. ഭരതന് അധ്യക്ഷത വഹിച്ചു. ബ്രഹ്മചാരി മുകുന്ദചൈതന്യ, പ്രൊഫ. കെ.എം. പ്രിയദര്ശന് ലാല് എന്നിവര് സംസാരിച്ചു. ഒ.പി. ഉണ്ണി സ്വാഗതവും വി.അശ്വിന്മേനോന് നന്ദിയും പറഞ്ഞു.
ഇന്നലെ വേദപാരായണം, മഹാഗണപതിപൂജ, മഹാസങ്കല്പ്പം, പുണ്യാഹവാചനം, പുസ്തകപൂജ, ഗ്രഹപ്രീതി, ദ്വാപരപൂജ, വേദികാര്ച്ചന, കലശപൂജ, ആവരണ അര്ച്ചന, ശ്രീദുര്ഗ്ഗാസപ്തശതീ പാരായണം, ശ്രീചക്രനവാവരണപൂജ, മഹാദീപാരാധന, അമൃതഭോജനം, മഹാഗണപതി ആവരണ പൂജ, ശ്രീഏകപഞ്ചാശത് ഗണപതിമൂലമന്ത്രഹോമം, പൂര്ണ്ണാഹുതി, മഹാദീപാരാധന എന്നിവയും നടന്നു.
ഇന്ന് ദുര്ഗ്ഗാസപ്തശതീപാരായണം, ശ്രീചക്രനവാവരണപൂജ, മഹാദീപാരാധന, അമൃതഭോജനം, ശ്രീസുബ്രഹ്മണ്യ ആവരണപൂജ, ശ്രീസുബ്രഹ്മണ്യഹോമം , പൂര്ണ്ണാഹുതി, മഹാദീപാരാധന എന്നിവ നടക്കും. വൈകീട്ട് നടക്കുന്ന സാംസ്കാരിക സദസ്സ് സ്വാമി ബ്രഹ്മാനന്ദ സരസ്വതി ഉദ്ഘാടനം ചെയ്യും. ശ്രീലശ്രീ മധുമണിഅംബ, കാ.ഭാ. സുരേന്ദ്രന് തുടങ്ങിയവര് പങ്കെടുക്കും.
കേരളത്തിനകത്തും പുറത്തുനിന്നുമുള്ള 130 ല് പരം ആചാര്യ ശ്രേഷ്ഠന്മാരാണ് യാഗത്തില് പങ്കെടുക്കുന്നത്. നിരവധി സംന്യാസിശ്രേഷ്ഠന്മാരും ആദ്ധ്യാത്മിക സാംസ്ക്കാരിക നേതാക്കളും വിവിധ ദിവസങ്ങളിലായി നടക്കുന്ന സാംസ്കാരിക സദസ്സില് പങ്കെടുക്കും.
മഹായാഗം ദര്ശിക്കാനും വിവിധ വഴിപാടുകള്ക്കുമായി എത്തുന്നവര്ക്കായി വിപുലമായ സംവിധാനങ്ങളാണ് ഗണേശ സാധനാ കേന്ദ്രത്തില് ഒരുക്കിയിരിക്കുന്നത്.
