കണ്ണൂര്: കേരളവര്മ പഴശ്ശിരാജയുടെ സ്മാരകമായി മട്ടന്നൂര് നഗരസഭ പഴശ്ശിയില് പണിത സ്മൃതി മന്ദിരത്തില് സ്ഥാപിക്കുന്നതിനായി നിര്മിച്ച പ്രതിമ ഇന്ന് വൈകീട്ട് അഞ്ചിന് മുഖ്യമന്ത്രി പിണറായി വിജയന് അനാച്ഛാദനം ചെയ്യും. പഴശ്ശിരാജയുടെ 211-ാം ചരമവാര്ഷികാചരണ പരിപാടികളുടെ സമാപനത്തോടനുബന്ധിച്ചാണ് ചടങ്ങ് സംഘടിപ്പിച്ചിരിക്കുന്നത്.
സ്മൃതിമന്ദിരം പരിസരത്ത് നടക്കുന്ന പരിപാടിയില് ഇ.പി.ജയരാജന് എംഎല്എ അധ്യക്ഷത വഹിക്കും. മന്ത്രിമാരായ കെ.കെ.ശൈലജ. രാമചന്ദ്രന് കടന്നപ്പള്ളി, പി.കെ ശ്രീമതി എംപി, സണ്ണി ജോസഫ് എംഎല്എ, നഗരസഭാ ചെയര്മാന് കെ.ഭാസ്കരന് മാസ്റ്റര്, ഡോ. കെ.കെ.എന്.കുറുപ്പ് തുടങ്ങിയവര് പ്രസംഗിക്കും. ഒറ്റ ഈട്ടിത്തടിയില് തീര്ത്ത പ്രതിമയുടെ ശില്പി പ്രശാന്ത് ചെറുതാഴത്തിനെ മന്ത്രി കെ.കെ.ശൈലജ ചടങ്ങില് ആദരിക്കും. ഉദ്ഘാടനത്തിന് ശേഷം ഗോപിനാഥ് മുതുകാടിന്റെ മാന്ത്രികനിശ പരിപാടി അരങ്ങേറും.
