കണ്ണൂര്: കള്ളപ്പണം നിയന്ത്രിക്കാന് കേന്ദ്രസര്ക്കാര് 500, 1000 രൂപ നോട്ടുകള് അസാധുവാക്കിയതിനെതിരെ ഇടതുമുന്നണി സംസ്ഥാന വ്യാപകമായി ഇന്നലെ നടത്തിയ ഹര്ത്താലിന് ജില്ലയില് ഭാഗിക പ്രതികരണം. സ്വകാര്യ വാഹനങ്ങള് പതിവുപോലെ മിക്കയിടങ്ങളിലും നിരത്തിലിറങ്ങി. സ്വകാര്യ ബസ്സുകളും കെഎസ്ആര്ടിസി ബസ്സുകളും ഓട്ടോറിക്ഷയും സര്വ്വീസുകള് നടത്താത്തതിനാല് ടൗണുകളില് എത്താന് സാധിക്കാത്തതിനാല് ബാങ്കുകള് പ്രവര്ത്തിച്ചിട്ടും ഇടപാടുകള് നടത്താനാവാതെ ജനം ബുദ്ധിമുട്ടി.
സ്വകാര്യ വാഹനങ്ങള് റോഡില് നിറഞ്ഞത് ഹര്ത്താല് പൂര്ണ്ണമാണെന്ന എല്ഡിഎഫ് നേതാക്കളുടെ അവകാശവാദം പൊളിക്കുന്നതായി. കടകമ്പോളങ്ങള് പൂര്ണ്ണമായും അടഞ്ഞു കിടന്നു. ട്രെയിനിലും മറ്റും നഗരത്തിലെത്തിയ ജനങ്ങള് കുടിവെളളവും ഭക്ഷണവും കിട്ടാതെ ഏറെ ബുദ്ധിമുട്ടി. ചില സന്നദ്ധസംഘടനകള് പ്രഭാത ഭക്ഷണവും ഉച്ചഭക്ഷണവും കുടിവെളളവും വിതരണം ചെയ്ത ത് അല്പ്പം ആശ്വാസം നല്കി. രാജ്യത്തിന്റെ പൊതുതാല്പര്യത്തിനെതിരായി സിപിഎം പ്രഖ്യാപിച്ച ജനദ്രോഹ ഹര്ത്താലിനെതിരെ ജനങ്ങള്ക്കിടയില് വ്യാപകമായ പ്രതിഷേധം ഉയര്ന്നിരുന്നു.
