കോഴിക്കോട്: ജില്ലാ കായികമേള രണ്ടു ദിവസം പിന്നിട്ടപ്പോള് വേഗതയില് നെവിന് ഫ്രാന്സിസും പി.പി. ജാസ്മിനും മുന്നില്. സീനിയര് വിഭാഗം 100 മീറ്റര് ഓട്ടത്തില് ആണ്കുട്ടികളില് നെവില് ഫ്രാന്സിസും പെണ്കുട്ടികളില് പി.പി. ജാസ്മിനും സുവര്ണനേട്ടം കൊയ്തു 11.1 സെക്കന്ഡില് ഫിനിഷ് ചെയ്ത് നെവില് വേഗമേറിയ താരമായപ്പോള് 13.10 സെക്കന്ഡില് ഫിനിഷ് ചെയ്താണ് ജാസ്മിന് തിളങ്ങിയത്.
കോഴിക്കോട് സെന്റ് ജോസഫ്സ് ബോയ്സ് എച്ച്.എസ്.എസിലെ പഌസ്ടു വിദ്യാര്ഥിയായ നെവില് ശാസ്ത്രീയമായി പരിശീലിച്ചിട്ടില്ല. സീനിയര് വിഭാഗത്തില് 4ഃ100 മീറ്റര് റിലെയില് സ്വര്ണം നേടിയ ടീമിലും നെവില് അംഗമായിരുന്നു. വെള്ളിമാടുകുന്ന് സിയോണ് വീട്ടില് ജോണിന്റെയും ലുവെല്ലയുടെയും മകനായ നെവില് കഴിഞ്ഞവര്ഷത്തെ ജില്ലാ കായികമേളയില് 100 മീറ്ററില് വെള്ളിയും 200 മീറ്ററില് സ്വര്ണവും നേടിയിരുന്നു. പൊയില്കാവ് എച്ച്.എസ്.എസിലെ പ്ലസ് വണ് വിദ്യാര്ഥിനിയാണ് സീനിയര് പെണ്കുട്ടികളുടെ 100 മീറ്ററില് സ്വര്ണം നേടിയ പി.പി. ജാസ്മിന്. 400 മീറ്റര് ഓട്ടത്തില് വെള്ളിയും ജാസ്മിന് നേടിയിരുന്നു. പൊയില്കാവ് പുതിയപുരയില് ഉമേശന്റെയും സ്മിതയുടെയും മകളാണ്. സ്കൂളിലെ കായികാധ്യാപകന് ഹര്ഷകുമാറാണ് പരിശീലകന്. ആദ്യമായാണ് ജാസ്മിന് 100 മീറ്ററില് പങ്കെടുക്കുന്നത്.
സബ് ജൂനിയര് ആണ്കുട്ടികളുടെ 100 മീറ്ററില് സെന്റ് ജോര്ജ് എച്ച്.എസ്.എസിലെ അഭയ് കൃഷ്ണക്കാണ് സ്വര്ണം (12.31). 600 മീറ്ററില് സ്വര്ണം നേടിയ അഭയ്യുടെ രണ്ടാം സ്വര്ണമാണ് 100 മീറ്ററിലേത്.ഇതേ വിഭാഗത്തില് പെണ്കുട്ടികളുടെ മത്സരത്തില് ഉഷ സ്കൂളിലെ താരമായ എ.എം.എച്ച്.എസ്.എസ്. പൂവമ്പായിലെ എല്ഗ തോമസിനാണ് സ്വര്ണം (13.50). ജൂനിയര് വിഭാഗം 100 മീറ്ററില് ആണ്കുട്ടികളുടെ വിഭാഗത്തില് പുല്ലുരാംപാറ സെന്റ് ജോസഫ്സ് എച്ച്.എസിലെ അമല്ദാസ് ജോബിയും (11.70) പെണ്കുട്ടികളില് ഇതേ സ്കൂളിലെ അപര്ണ റോയും (12.42) സ്വര്ണ്ണം നേടി.
പ്രതികരിക്കാൻ ഇവിടെ എഴുതുക: