ആലപ്പുഴ: ജില്ലാ അഗ്രി ഹോര്ട്ടികള്ച്ചറല് സൊസൈറ്റി ഡിസംബറില് ആലപ്പുഴ എസ് ഡി വി മൈതാനത്ത് സംഘടിപ്പിക്കുന്ന 27-ാമത് കാര്ഷിക-വ്യവസായിക പ്രദര്ശനത്തിന്റെ സ്വാഗതസംഘം ഓഫീസ് തുറന്നു.
കിടങ്ങാംപറമ്പ് ഗാന്ധി സ്മാരക ഗ്രാമസേവാ കേന്ദ്രം സബ്സെന്ററില് നഗരസഭാദ്ധ്യക്ഷന് തോമസ് ജോസഫ് ഓഫീസിന്റെ പ്രവര്ത്തനോദ്ഘാടനം നിര്വഹിച്ചു. സൈാസൈറ്റി വൈസ് പ്രസിഡന്റ് എം.കെ. ഭാസ്ക്കരപ്പണിക്കര് അദ്ധ്യക്ഷത വഹിച്ചു.
നഗരസഭാംഗം ഐ. ലത, രവി പാലത്തുങ്കല്, എം.പി. ഗോവിന്ദന്കുട്ടി നായര്, പയസ് നെറ്റോ, പി. വെങ്കിട്ടരാമയ്യര്, സി. ശ്യാംകുമാര്, എസ്. വിജയന് നായര്, വര്ഗീസ് കുരിശിങ്കല്, ഓമന ഗോപിനാഥ് എന്നിവര് പങ്കെടുത്തു. കൃഷി വകുപ്പ്, എസ്.ഡി. കോളജ് ബോട്ടണി വിഭാഗം, വിവിധ വകുപ്പുകള് എന്നിവയുടെ സഹകരണത്തോടെയാണ് പ്രദര്ശനം സംഘടിപ്പിക്കുന്നത്.
കളക്ട്രേറ്റില് കൂടിയ സ്വാഗതസംഘ രൂപീകരണ യോഗത്തില് ജില്ലാ കളക്ടര് വീണ എന്. മാധവന് അദ്ധ്യക്ഷത വഹിച്ചു. കളക്ടര് ചെയര്മാനും രവി പാലത്തുങ്കല് ജനറല് കണ്വീനറുമായി 101 അംഗ സ്വാഗതസംഘം രൂപീകരിച്ചു.
വ്യാവസായിക പ്രദര്ശനനഗരിയില് പന്തല്, ലൈറ്റ്, സൗണ്ട് സിസ്റ്റം, കാന്റീന്, പ്ലംബിങ് എന്നീ ജോലികള് നിര്വഹിക്കാന് താല്പര്യമുള്ളവര് നവംബര് 30നു മുമ്പായി ജനറല് കണ്വിനര്, ചന്ദ്രനിവാസ്(ഗാന്ധി സ്മാരകം) എസ്.ഡി.വി. സെന്ട്രല് സ്കൂളിനു വടക്കുവശം ആലപ്പുഴ-1 എന്ന വിലാസത്തിലോ 9447225408, 9447304082 എന്നീ നമ്പരുകളിലോ ബന്ധപ്പെടണം.
