അങ്ങാടിപ്പുറം: ബിജെപി ജില്ലാ കമ്മറ്റിയുടെ ആഭിമുഖ്യത്തില് ദീനദയാല് ഉപാദ്ധ്യായ പ്രവര്ത്തക പരിശീലന ശിബിരം അങ്ങാടിപ്പുറത്ത് ആരംഭിച്ചു. കല്ല്യാണി കല്ല്യാണമണ്ഡപത്തിലാണ് ശിബിരം നടക്കുന്നത്. സംസ്ഥാന വൈസ് പ്രസിഡന്റ് എന്.ശിവരാജന് ഉദ്ഘാടനം ചെയ്തു. ജില്ലാ പ്രസിഡന്റ് കെ.രാമചന്ദ്രന് അദ്ധ്യക്ഷത വഹിച്ചു. സംസ്ഥാന സമിതിയംഗങ്ങളായ വി.ഉണ്ണികൃഷ്ണന്, ഗീതാ മാധവന്, അഡ്വ.ടി.കെ.അശോക് കുമാര്, മേഖലാ ജനറല് സെക്രട്ടറി എം.നാരായണന്, സെക്രട്ടറി എം.പ്രേമന്, ജില്ലാ ജനറല് സെക്രട്ടറിമാരായ രവി തേലത്ത്, പി.ആര്.രശ്മില്നാഥ് എന്നിവര് സംസാരിച്ചു.
കേരളത്തില് ബിജെപി പ്രതിപക്ഷ സ്ഥാനത്തേക്ക് ഉയര്ന്ന സാഹചര്യത്തില് കൂടുതല് പ്രവര്ത്തകരെ നേതൃനിരയിലേക്ക് കൊണ്ടുവരികയെന്ന ലക്ഷ്യത്തോടെയാണ് ശിബിരം സംഘടിപ്പിക്കുന്നത്. ഓരോ മണ്ഡലത്തിലും പ്രത്യേകം ശിബിരങ്ങള് പൂര്ത്തിയായി. മണ്ഡലങ്ങളില് നിന്നും തെരഞ്ഞെടുത്ത പ്രതിനിധികളും വിവിധ മോര്ച്ച ജില്ലാ പ്രസിഡന്റുമാരും ജനറല് സെക്രട്ടറിമാരുമാണ് ശിബിരത്തില് പങ്കെടുക്കുന്നത്.
ബിജെപി ചരിത്രവും വികാസവും, സൈദ്ധാന്തിക അടിത്തറ, വൈചാരിക കുടുംബം, എന്ഡിഎ സര്ക്കാരിന്റെ നേട്ടങ്ങള്, കേരളത്തില് എന്ഡിഎയുടെ സാധ്യത, രാഷ്ട്രം നേരിടുന്ന വെല്ലുവിളികള്, കാര്യകര്ത്ത വ്യക്തിത്വവികാസം, കാര്യപദ്ധതി സംഘടനാ സംവിധാനം, കേരളം നേരിടുന്ന പ്രശ്നങ്ങളും പരിഹാരങ്ങളും തുടങ്ങിയ വിഷയങ്ങള് ശിബിരം ചര്ച്ച ചെയ്യും. ക്ഷേത്ര നഗരിയിലെ ശിബിരം കഴിവുള്ള നേതൃത്വത്തിലെ കണ്ടെത്തുമെന്ന കാര്യത്തില് സംശയമില്ല. ശിബിരം 20ന് സമാപിക്കും.
