കാക്കനാട്: ശബരിമല തീര്ഥാടകര്ക്കായി മോട്ടോര് വാഹനവകുപ്പ് എറണാകുളം സൗത്ത് റെയില്വേ സ്റ്റേഷനില് പ്രീപെയ്ഡ് ശബരിമല കൗണ്ടര് തുടങ്ങി. ജില്ലാ ഭരണകൂടവും മോട്ടോര് വാഹനവകുപ്പും റെയില്വേ പോലീസും സംയുക്തമായാണ് കൗണ്ടര് തുടങ്ങിയത്.
ഇതരസംസ്ഥാന അയ്യപ്പന്മാര്ക്ക് ഇടനിലക്കാരുടെയോ സ്വകാര്യ ഡ്രൈവര്മാരുടെയോ ചൂഷണം ഇല്ലാതെ മുന്കൂട്ടി നിശ്ചയിച്ച് പ്രദര്ശിപ്പിച്ചിട്ടുള്ള വാടക നല്കി ടാക്സി വാഹനങ്ങളില് യാത്ര ചെയ്യാം. 50 സീറ്റ് എസി, നോണ് എസി ബസുകളും കൗണ്ടറില് ലഭ്യമാണ്. പ്രീപെയ്ഡ് ശബരില കൗണ്ടറിന്റെ ഉദ്ഘാടനം ജില്ലാ കളക്ടര് മുഹമ്മദ് വൈ സഫീറുള്ള നിര്വഹിച്ചു.
എറണാകുളം ആര്ടിഒ പി.എച്ച് സാദിഖലി അധ്യക്ഷത വഹിച്ചു. എറണാകുളം എസി പി. ലാല്ജി, ഐആര്ടിസി ഏരിയ മാനേജര് ആര്. ഹരികൃഷ്ണന്, ട്രാഫിക് സിഐ എന്.ആര്. ജയരാജ്, സ്റ്റേഷന് മാസ്റ്റര് വി.വി. രോഹിത് ജോസഫ്, മോട്ടോര് വെഹിക്കിള് ഇന്സ്പെക്ടര് കെ.എസ്. ബിനേഷ് തുടങ്ങിയവര് പങ്കെടുത്തു.
