ചെങ്ങന്നൂര്: തിരുവന്വണ്ടൂര് ഇരമല്ലിക്കര ശ്രീഅയ്യപ്പാ ദേവസ്വം ബോര്ഡ് കോളേജിലെ ഡിഗ്രി വിദ്യാര്ത്ഥികളായ രാഹുല്(19) അനന്തു(19) എന്നിവരുടെ മരണം സഹപാഠികളെയും അദ്ധ്യാപകരെയും നാട്ടുകാരെയും ഒരുപോലെ ദുഖത്തിലാഴ്ത്തി.വിദ്യാര്ത്ഥികള് നദിയില് മുങ്ങിമരിച്ച സംഭവമറിഞ്ഞ് ദൂരെ സ്ഥലത്തുനിന്നുപോലും നിരവധി ആളുകള് സംഭവസ്ഥലത്ത് തടിച്ചുകൂടിയിരുന്നു.ഉച്ചയ്ക്ക് 12.30ഓടെ കടവില് കുളിക്കാനിറങ്ങിയ യുവാക്കള് ഒഴുക്കില്പ്പെടുകയായിരുന്നു.രണ്ടുപേര്ക്കും നീന്തല് വശമില്ലായിരുന്നു.മുങ്ങിത്താഴുന്ന കൂട്ടുകാരെക്കണ്ട് അലറിക്കരയുവാന് മാത്രമേ സുഹൃത്തുക്കള്ക്ക് സാധിച്ചുള്ളു.നാട്ടുകാര് രക്ഷാ പ്രവര്ത്തനത്തിന് മുന്നിട്ടിറങ്ങിയെങ്കിലും ഒഴുക്കും മണല് വാരിയ കുഴികളും രക്ഷാപ്രവര്ത്തനത്തിന് തടസ്സമായി.വിവരമറിഞ്ഞ് കോളേജില്നിന്നും മറ്റുവിദ്യാര്ത്ഥികളും അലറിക്കരഞ്ഞുകൊണ്ടാണ് പമ്പാനദി തീരത്തേക്കെത്തിയത്.ആഴം കൂടിയ ഇവിടെ മുങ്ങി തെരച്ചില് നടത്തുക ഏറെ പ്രയാസകരമായിരുന്നു. തുടര്ന്ന് നദിക്കരയിലുള്ള വീട്ടില് നിന്നും വലിയ മുള എത്തിച്ച് നദിയില് നാട്ടി അതിലൂടെ ആഴത്തിലേക്ക് ഇറങ്ങിയാണ് മൃതദേഹം കരക്കെത്തിച്ചത്.ഒഴുക്കില്പ്പെട്ട ഒരാള് മുളം കൂട്ടത്തിന് സമീപം മുങ്ങിത്താഴ്ന്നിട്ടുണ്ടന്ന് നാട്ടുകാര് ഫയര് ഫോഴ്സിനോട് പലതവണ പറഞ്ഞെങ്കിലും ആരും ഇവിടെ മുങ്ങി തെരച്ചില് നടത്താന് തയ്യാറായില്ല. തുടര്ന്ന് നാട്ടുകാരായ ചിലര് ഇറങ്ങി മുങ്ങിയാണ് അനന്തുവിന്റെ മൃതദേഹം ഇവിടെനിന്നും കണ്ടെടുത്തത്.അഡ്വ.കെ.കെ.രാമചന്ദ്രന്നായര് എംഎല്എ, ചെങ്ങന്നൂര് ആര്ഡിഒ എ.ഗോപകുമാര്, തഹസില്ദാര് എ.കെ.സാനു,തിരുവന്വണ്ടൂര് ഗ്രാമപഞ്ചായത്ത് പ്രസിഡന്റ് ജലജാ രവീന്ദ്രന്, മാന്നാര് സിഐ ഷിബു പാപ്പച്ചന് ചെങ്ങന്നൂര് എസ്ഐ എം സുധിലാല് എന്നിവര് രക്ഷാപ്രവര്ത്തനത്തിന് നേതൃത്വം നല്കി.
നാടിനെ നടുക്കിയ ദുരന്തം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.