കാസര്കോട്: ജില്ലാ ശാസ്ത്രോത്സവത്തിന്റെ ഭാഗമായുള്ള കാസര്കോട് റവന്യൂ ജില്ലാ തല ശാസ്ത്ര, ഗണിത ശാസ്ത്ര, സാമൂഹ്യ ശാസ്ത്ര, പ്രവൃത്തി പരിചയ, ഐടിമേള 14-15 തീയ്യതികളില് ചട്ടഞ്ചാല് ഹയര് സെക്കണ്ടറി സ്കൂളില് വെച്ച് നടക്കും. മത്സരങ്ങളുടെ രജിസ്ട്രഷന് നാളെ ആരംഭിക്കും. ഏഴ് ഉപജില്ലകളില് നിന്നായി 3000ത്തിലധികം വിദ്യാര്ത്ഥികളും, 500 അധ്യാപകരും, 300 എസ്കോര്ട്ട് ടീച്ചേര്സും ശാസ്ത്രോത്സവത്തിന് എത്തിച്ചേരും. 14ന് എസ്, എസ്എസ് വിഭാഗത്തിന്റെ പ്രാദേശിക ചരിത്രരചന, അറ്റ്ലസ് നിര്മ്മാണം എന്നിവ രാവിലെ 9 മണിക്ക് ആരംഭിക്കും. 15ന് ശാസ്ത്ര, ഗണിത ശാസ്ത്ര മേള നടക്കും. ജില്ലാതല സാമൂഹ്യ ശാസ്ത്ര ക്വിസ് മത്സരം 17ന് നടക്കും. രാവിലെ 10.30 മണിക്ക് എല്പി, 11.30 ന് യു.പി, ഉച്ചയ്ക്ക് 1.30 ന് എച്ച്.എസ്., 2.30 ന് എച്ച്.എസ്.എസ്/വി.എച്ച്.എസ്.എസ്. വിഭാഗങ്ങളിലാണ് മത്സരങ്ങള് നടക്കുക. പ്രവര്ത്തി പരിചയമേളയില് ഉണ്ടാക്കിയ ഉല്പന്നങ്ങള് 15ന് പ്രദര്ശിപ്പിക്കും. 14ന് രാവിലെ 10 മണിക്ക് മേളയുടെ ഉദ്ഘാടനം പി.കരുണാകരന് എം.പി. നിര്വ്വഹിക്കുമെന്ന് വര്ക്കിംഗ് ചെയര്മാന് മൊയ്തീന് കുട്ടി പറഞ്ഞു. പത്രസമ്മേളനത്തില് കണ്വീനര് മോഹനന്, പ്രോഗ്രാം കണ്വീനര് കെ.വി.വാസുദേവന്, പി.ടി.എ പ്രസിഡണ്ട് ശ്രീധരന് മുണ്ടോള്, മീഡിയ കണ്വീനര് അബ്ദുല് സമീര്, പബ്ലിസിറ്റി കണ്വീനര് രതീഷ് പിലിക്കോട്, പ്രോഗ്രാം ജോയിന്റെ കണ്വീനര് പി.രതീഷ്കുമാര് എന്നിവര് സംബന്ധിച്ചു.
കാസര്കോട് റവന്യൂ ജില്ലാ ശാസ്ത്രമേള 14ന്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.