നാദാപുരം: രാത്രിയുടെ മറവില് ബോംബ് സ്ഫോടനങ്ങള് നിത്യസംഭവായിട്ടും ഉറവിടം കെണ്ടത്താനോ അക്രമികളെ തിരിച്ചറിയാനോ പോലീസിന് കഴിയുന്നില്ല. ഒരുമാസത്തിനിടെ പ്രദേശങ്ങളില് ഇരുപത്തി അഞ്ചിലേറെ ചെറുതും വലുതുമായ സ്ഫോടനങ്ങളാണ്നടന്നത് .സ്ഫോടനത്തിനു പിന്നില് രാത്രി അസമയങ്ങളില്നമ്പര് ബോര്ഡ് മറച്ചബൈക്കില് എത്തുന്ന അജ്ഞാതരാണ്. ഇവരെ കണ്ടെത്താന് ഇരുപത്തിനാല് മണിക്കൂറും നാദാപുരത്തിന്റെ മുക്കിലും മൂലയിലും റോന്തുചുറ്റുന്ന പോലീസ്സ് കണ്ട്രോള്സംഘത്തിന് കഴിയാറില്ല.
നാടിനെ നടുക്കുന്ന സ്ഫോടനങ്ങള് ഭൂരിഭാഗവും നടക്കുന്നത് സമാധാനന്തരീക്ഷം നിലനില്ക്കുന്ന പ്രദേശങ്ങളിലാണ്. അക്രമിസംഘത്തിന്റെ ഉദ്ദേശം ക്രമസമാധാനാന്തരീക്ഷം തകര്ക്കുക എന്ന ലക്ഷ്യം മാത്രമാണ്. സ്ഫോടനങ്ങള് നടന്നു കഴിഞ്ഞാല് ബോംബ് സ്ക്വഡും പോലീസ് ഉന്നത ഉദ്യോഗസ്ഥരും സംഭവസ്ഥലം സന്ദര്ശിക്കുന്നതോട് കൂടി അന്വേഷണം അവസാനിക്കുന്നു. പിന്നീട് യാതൊരു വിധ അന്വേഷണവും നടക്കാറില്ല .നാദാപുരം മേഖലയില്നിന്ന് ആറുമാസത്തിനുള്ളില് നൂറിലേറെ ഉഗ്രശേഷിയുള്ള സ്റ്റീല് ബോംബും പൈപ്പ് ബോംബും പോലീസ്സ് കണ്ടെത്തിയിരുന്നെങ്കിലും തുടര് അന്വേഷണം ഒന്നിലും നടക്കാറില്ല. നാടിന്റെ സമാധാനാന്തരീക്ഷം തകര്ത്തു ഒരു സംഘം ക്രിമിനലുകള് നടത്തുന്ന അക്രമങ്ങള് തടയാന് സര്ക്കാര് സംവിധാനത്തിന് കഴിയാത്തത് ആശങ്കയോടെയാണ് നാട്ടുകാര് നോക്കിക്കാണുന്നത്.
