തളിപ്പറമ്പ്: കുറുമാത്തൂര് ഗ്രാമപഞ്ചായത്തിലെ പൂമംഗലം പ്രദേശത്ത് പാചകത്തിനുപയോഗിക്കുന്ന ഇന്ധനം സംബന്ധിച്ച് പഠനം നടത്തിയ പൂമംഗലം യുപി സ്കൂളിലെ കുട്ടികള് ഊര്ജ്ജ സംരക്ഷണത്തിനുപകരിക്കുന്ന കുഞ്ഞു കുഞ്ഞു കാര്യങ്ങള് ഉള്പ്പെടുത്തി ലഘുലേഖ തയ്യാറാക്കി വീടുകളില് വിതരണം ചെയ്തു. കുട്ടികള് നടത്തിയ പഠനത്തിന്റെ കണ്ടെത്തലുകളും അവതരിപ്പിക്കപ്പെട്ടു. ഊര്ജ്ജ സംരക്ഷണത്തിനായി കുട്ടികള് നടത്തിയ പ്രവര്ത്തനങ്ങള് ഉള്പ്പെടുത്തി കൈപ്പുസ്തകം തയ്യാറാക്കി എല്ലാവര്ക്കും എത്തിക്കുന്നതിന് വിദ്യാഭ്യാസ വകുപ്പ് ഇടപെടണമെന്ന് വിദ്യാര്ത്ഥികള് നിവേദനത്തിലൂടെ വിദ്യാഭ്യാസ മന്ത്രിയോട് അഭ്യര്ത്ഥിച്ചു. പ്രോജക്ടിന്റെ ഭാഗമായി 25 ചൂടാറാപ്പെട്ടികള് വിതരണം ചെയ്തു. ഊര്ജ്ജ സംരക്ഷണ ക്ലബ്ബംഗങ്ങളായ കെ.നന്ദന, സബീഷ്ണ സുരേഷ്, സി.അനന്യ, കെ.ജെ.നൗറീന്, പി.പി.അതുല്യ എന്നിവര് നേതൃത്വം നല്കി. അധ്യാപകരായ കെ.വി. ശ്രീജ, എം.ആര്.കൗസല്യ, ഷൈമ ഭാസ്ക്കരന്, പ്രധാനാധ്യാപകന് സി. സത്യനാരായണന് എന്നിവര് കുട്ടികള്ക്ക് മാര്ഗ നിര്ദ്ദേശം നല്കി.
ഊര്ജ്ജ സംരക്ഷണ പ്രോജക്റ്റ് ലഘുലേഖ വിതരണം ചെയ്തു
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.