ഷിക്കാഗോ: ഷിക്കാഗോയില് 161 യാത്രക്കാരും ഒന്പതു ജീവനക്കാരുമായി മിയാമിയിലേക്കു പുറപ്പെടാനൊരുങ്ങിയ അമേരിക്കന് എയര്ലൈന്സ് വിമാനത്തിന് തീപിടിച്ചു.ഷിക്കാഗോയിലെ ഹെയ്റോ വിമാനത്താവളത്തില് നിന്നും പറന്നുയരാന് ശ്രമിക്കുന്നതിനിടെയാണ് ബോയിംഗ് 767 വിമാനത്തിന് തീപ്പിടിച്ചതെന്ന് എയര്ലൈന്സ് അധികൃതര് വ്യക്തമാക്കി.
സംഭവത്തില് 20 പേര്ക്ക് പരുക്കേറ്റു. ഇവരെ സമീപത്തെ ആശുപത്രിയിലെത്തിച്ചുവെന്ന് ഷിക്കാഗോ ഫയര് ആന്റ് സേഫ്റ്റി ഡിപ്പാര്ട്ട്മെന്റ് വക്താവ് ജുവാന് ഹെര്ണാണ്ടസ് അറിയിച്ചു. തീപ്പിടുത്തമുണ്ടായപ്പോള് എമര്ജന്സി സ്ലൈഡില് കൂടി രക്ഷപ്പെടാന് ശ്രമിക്കുന്നതിനിടയില് കണങ്കാലില് പരിക്കും മറ്റു ചതവുകളുമാണ് യാത്രക്കാര്ര്ക്ക് ഉണ്ടായിരിക്കുന്നത്. ഇവരെ പ്രാഥമിക ചികിത്സയ്ക്ക് ശേഷം വിട്ടയച്ചതായി ആശുപത്രി അധികൃതര് വ്യക്തമാക്കി.
ഷിക്കാഗോയിലെ ഏറ്റവും തിരക്കേറിയ വിമാനത്താവളമാണ് ഹെയ്റോ യാത്രക്കാര്ക്കു നേരിട്ട അസൗകര്യത്തില് ഖേദമുണ്ടെന്നും യാത്രക്കാരെ മറ്റ് വിമാനങ്ങളിലേക്ക് മാറ്റാനുള്ള എല്ലാ നടപടികളും സ്വീകരിച്ചുവെന്നും എയര്ലൈന്സ് അധികൃതര് അറിയിച്ചു.
തീപ്പിടുത്തത്തിന്റെ കാരണം വ്യക്തമായിട്ടില്ല. ടയറിലുണ്ടായ തീപ്പിടുത്തമാവും വിമാനത്തിലേക്ക് പടര്ന്നതെന്നാണ് പ്രാഥമിക നിഗമനം. സാങ്കേതിക തകരാറാവാം അപകട കാരണമെന്നാണ് അമേരിക്കന് എയര്ലൈന്സിന്റെ വിശദീകരണം. സംഭവത്തെകുറിച്ച് അന്വേഷണം ആരംഭിച്ചിട്ടുണ്ട്.
