ലണ്ടന്: വിമാനയാത്രയ്ക്കിടയില് പതിനെട്ടുകാരിയായ പെണ്കുട്ടിയെ ഉപദ്രവിക്കാന് ശ്രമിച്ച കേസില് ഭാരത വംശജനായ വ്യവസായിക്ക് ബ്രിട്ടനില് തടവ്. ഖത്തറില് താമസമാക്കിയ സുമന് ദാസ്(46)നെയാണ് ബിട്ടീഷ് കോടതി 20 ആഴ്ചത്തെ തടവിന് വിധിച്ചത്.
കഴിഞ്ഞ മാസമാണ് കേസിനാസ്പദമായ സംഭവം ദോഹയില് നിന്നും മാഞ്ചസ്റ്ററിലേക്ക് വരുകയായിരുന്ന വിമാനത്തില് വെച്ച് പെണ്കുട്ടി മയക്കത്തിലായപ്പോള് പ്രതി തന്റെ സ്വകാര്യ ഭാഗങ്ങളില് സ്പര്ശിച്ചെന്നാണ് കേസ്. സംഭവം പെണ്കുട്ടി വിമാനജീവനക്കാരെ അറിയിക്കുകയായിരുന്നു. ഉടന് തന്നെ പോലീസ് എത്തി സുമാന് ദാസിനെ അറസ്റ്റു ചെയ്യുകയായിരുന്നു.
എന്നാല് പെണ്കുട്ടിയുടെ ആരോപണങ്ങള്സുമന് ദാസ് നിഷേധിച്ചു.താന് അറിഞ്ഞുകൊണ്ട് കുട്ടിയുടെ ശരീരത്തില് സ്പര്ശിച്ചിട്ടില്ലെന്നും അറിയാതെ സംഭവിച്ചതാകാമെന്നും അയാള് വ്യക്തമാക്കി. കുട്ടിയോട് മാപ്പ് പറയാന് ആഗ്രഹമുണ്ടെന്നും കോടതിയില് ഇയാള് പറഞ്ഞിരുന്നു.
സാഹചര്യ തെളിവനുസരിച്ച് പ്രതി ലൈംഗികാത്രികമത്തിന് തുനിഞ്ഞതായി കോടതി കണ്ടെത്തിയതിനെ തുടര്ന്നാണ് ഇയാള്ക്ക് ശിക്ഷ വിധിച്ചത്. അതേസമയം തന്റെ ഭര്ത്താവ് ഒരു കുറ്റവും ചെയ്യില്ലെന്നും അദ്ദേഹത്തെ പൂര്ണ വിശ്വാസമാണെന്നുമാണ് 23കാരിയായ ദാസിന്റെ ഭാര്യ പറയുന്നത്.
ഭാരതീയനായ സുമന്ദാസ് നിലവില് ഖത്തറിലാണ് താമസിക്കുന്നത്. ഭാര്യയോടൊപ്പം അവധിക്കാലം ആഘോഷിക്കാനാണ് ഇയാള് ബ്രിട്ടനിലെത്തിയത്.
