അഞ്ചരക്കണ്ടി: പിണറായിയിലെ ആര്എസ്എസ് പ്രവര്ത്തകന് കൊല്ലനാണ്ടി വീട്ടില് രമിത്തിനെ സിപിഎം ക്രിമിനല് സംഘം വെട്ടിക്കൊന്ന സംഭവത്തില് പ്രതികള് കൊലപാതകത്തിനുപയോഗിച്ച ആയുധങ്ങള് അന്വേഷണ സംഘം കണ്ടെടുത്തു. സംഭവത്തില് അറസ്റ്റിലായ പിണറായി പുതിയപുരയില് സി.കെ.അഹദ്(25), വെണ്ടുട്ടായിയിലെ കണ്ണോത്ത് പൊയില് നിജോയ്(30) എന്നിവരെ പോലീസ് സംഘം ചോദ്യം ചെയ്തതോടെയാണ് ആയുധങ്ങളെക്കുറിച്ച് വിവരം ലഭിച്ചത്. നിജോയിയുടെ വീടിന് സമീപത്തെ കുറ്റിക്കാട്ടില് ഉപേക്ഷിച്ച നിലയിലാണ് കൊലപ്പെടുത്താന് ഉപയോഗിച്ച മഴുവും വാളും പോലീസ് കണ്ടെടുത്തത്. ഇവരുടെ സാന്നിധ്യത്തില് അന്വേഷണ ഉദ്യോഗസ്ഥനായ കണ്ണൂര് ടൗണ് സിഐ വേണുഗോപാലാണ് ആയുധങ്ങള് കണ്ടെടുത്തത്. അഹദ് മഴു ഉപയോഗിച്ചും നിജോയ് വാള് ഉപയോഗിച്ചുമാണ് രമിത്തിനെ വെട്ടിയതെന്ന് പോലീസ് പറഞ്ഞു. ഗൂഡാലോചനയില് പങ്കെടുത്ത പ്രാദേശിക നേതാക്കളുടെ പങ്ക് സംബന്ധിച്ചും അന്വേഷണ സംഘത്തിന് സൂചന ലഭിച്ചിട്ടുണ്ട്. കഴിഞ്ഞ 12 ന് രാവിലെയാണ് രമിത്തിനെ സിപിഎം സംഘം വെട്ടിക്കൊലപ്പെടുത്തിയത്.
രമിത്ത് വധം ; ആയുധങ്ങള് കണ്ടെടുത്തു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.