തുരുത്തി: നിയന്ത്രണം വിട്ട കെഎസ്ആര്ടിസി ബസ് വഴിയരികില് നിത്തിയിട്ടിരുന്ന മിനിലോറി ഇടിച്ചുതകര്ത്ത് കടയിലേക്ക് ഇടിച്ചുകയറി. ലോറിയില് ആരുമില്ലാതിരുന്നതിനാല് ആളപായം ഒഴിവായി. ചൊവാഴ്ച ഉച്ചകഴിഞ്ഞ് മൂന്ന് മണിയോടെ എംസിറോഡില് തുരുത്തി പുന്നമൂട് കവലയിലാണ് അപകടം. കോട്ടയത്ത് നിന്നും കൊട്ടാരക്കരയ്ക്കു പോകുകയായിരുന്ന ബസ് പുന്നമൂട് കവലയില് വച്ച് കാവാലം റോഡില് നിന്നും വരികയായിരുന്ന ലോറിയെ ഇടിയ്ക്കാതിരിക്കാന് വെട്ടിക്കുന്നതിനിടയില് നിയന്ത്രണം നഷ്ടപ്പെടുകയായിരുന്നു. ഈ സമയം മറ്റക്കര ബില്ഡിങ്ങിന് മുന്വശത്ത് നിര്ത്തിയിട്ടിരുന്ന രുന്ന കെഎന്ബി അലൂമിനിയം ഫാബ്രിക്കേഷന്റെ മിനിലോറിയില് ഇടിച്ചു. ഇടിയുടെ ആഘാതത്തില് ലോറി തലകീഴായി മറിഞ്ഞു. ലോറിയുടെ ഭാഗങ്ങള് ബസ്സിന് അടിയില് കുരുങ്ങിയ നിലയിലായിരുന്നു. മുന്ഭാഗം പൂര്ണമായും തകര്ന്ന നിലയിലാണ്. ബസ്സിന്റെയും മുന് ഭാഗം ഭാഗികമായി തകര്ന്നു. ബസ് ഡ്രൈവര്ക്കും മുന്ഭാഗത്ത് ഇരുന്ന യാത്രക്കാരും നിസ്സാര പരിക്കുകളോടെ രക്ഷപെട്ടു. അര മണിക്കൂറോളം ഗതാഗതം തടസ്സപ്പെട്ടു. ചങ്ങനാശ്ശേരി പോലീസ് സ്ഥലത്തെത്തി മേല്നടപടികള് സ്വീകരിച്ചു
നിത്തിയിട്ട മിനിലോറി ഇടിച്ചുതകര്ത്ത ബസ്സ് കടയിലേക്ക് ഇടിച്ചുകയറി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.